fbpx
Sunnudagur 16.júní 2019
Bleikt

Gerði tvær breytingar og léttist um 60 kíló – Sjáðu muninn

Ritstjórn Bleikt
Þriðjudaginn 11. júní 2019 13:30

Ekki missa af Helstu tíðindum dagsins í pósthólfið þitt

Lesa nánar

„Mér líður frábærlega. Ég ferðast reglulega og nýt hvers einasta dags,“ segir Ethan Spiezer, 35 ára Bandaríkjamaður, sem gerði tvær grundvallarbreytingar á lífi sínu ekki alls fyrir löngu.

Ethan segir sögu sína í samtali við Men‘s Health-tímaritið en honum tókst að léttast um tæp 60 kíló með því að taka upp ketó-mataræðið og með því að fasta reglulega.

Ethan segir sjálfur að hann hafi vanið sig á það að borða þegar honum leið illa. Þetta vatt upp á sig og var Ethan orðinn 190 kíló þegar mest var. „Ég varð sorgmæddur þegar ég sá hversu stór ég var orðinn. Þá borðaði ég til að mér liði betur en það var skammgóður vermir. Þetta var algjör vítahringur,“ segir hann.

Ethan segir að hann hafi ákveðið að taka sig á þegar hann sá ljósmynd af sér og ungum syni sínum. „Mér var mjög brugðið. Ekki bara vegna þess hvernig ég leit út heldur hugsaði ég einnig um hvaða fordæmi ég væri að setja syni mínum,“ segir hann.

Í kjölfarið ákvað hann að taka sig á og breytti hann mataræði sínu. Hann hafði samband við vin sinn, Aaron, sem hefur ágætis þekkingu á líkamsrækt og næringarfræði. „Ég spurði hann út í ketó-mataræðið og hann mælti mjög með því.“

Ethan ákvað að prófa það og dró hann verulega úr neyslu á kolvetnum. „Til að byrja með borðaði ég 100 grömm af kolvetnum á dag í eina viku, þá næstu fór ég niður í 50 grömm og þremur vikum eftir að ég byrjaði var ég kominn niður í 20 grömm.“

Þá passaði hann sig á að borða ekki meira en tvö þúsund hitaeiningar á dag en hafa ber í huga að fyrstu sex mánuðina stundaði Ethan nær engar æfingar. Fókusinn var eingöngu á mataræðið. Auk þess að breyta því tók hann upp á að fasta. Hann borðaði ekkert frá klukkan átta á kvöldin til hádegis daginn eftir. Hann viðurkennir fúslega að það hafi verið dálítið krefjandi, eða að minnsta kosti litið út fyrir að vera það til að byrja með.

„Ég var örlítið smeykur við þetta en í raun og veru var ég bara að sleppa morgunmatnum og snarlinu á kvöldin,“ segir hann. Að fimm mánuðum liðnum var hann búinn að léttast um 45 kíló.

Eftir fyrstu sex mánuðina fór hann að stunda reglulega hreyfingu og borða eina stóra máltíð á dag. Það er eflaust ekki fyrir alla en Ethan segir það hafi virkað vel fyrir hann. „Ég get þá einbeitt mér eingöngu að þessari einu máltíð og borðað í raun það sem mig langar í. Hvort sem það er humar með hollandaise-sósu, ostur, beikon, egg eða salat.“

Nú þegar tíu mánuðir eru liðnir síðan hann hóf þessa lífstílsbreytingu eru 60 kíló farin. Það er töluverð breyting frá því sem var en Ethan var með allt of háan blóðþrýsting og var á barmi þess að fá áunna sykursýki. „Ég get núna farið í langa göngutúra með konunni minni, leikið við syni mína og ég smellpassa í sætin þegar ég ferðast með flugi. Um fram allt vakna ég fullur af orku.“

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Ekki missa af

Bleikt
Fyrir 4 dögum

Biðst ekki afsökunar á kjólnum sem er talinn hafa brotið lög í heimalandinu

Biðst ekki afsökunar á kjólnum sem er talinn hafa brotið lög í heimalandinu
Bleikt
Fyrir 4 dögum

Aðdáendur tóku eftir óvenjulegri hegðun Keanu Reeves þegar hann stillir sér upp með konum – Hvers vegna gerir hann þetta?

Aðdáendur tóku eftir óvenjulegri hegðun Keanu Reeves þegar hann stillir sér upp með konum – Hvers vegna gerir hann þetta?
Bleikt
Fyrir 5 dögum

Mæður hylla þessa konu – Birti mynd sólarhring eftir fæðingu: „Mig langar að vera eins hreinskilin og mögulegt er“

Mæður hylla þessa konu – Birti mynd sólarhring eftir fæðingu: „Mig langar að vera eins hreinskilin og mögulegt er“
Bleikt
Fyrir 5 dögum

13 merki um að þú þjáist af kvíða

13 merki um að þú þjáist af kvíða
Bleikt
Fyrir 1 viku

Fyrirsæta fitusmánuð eftir að hafa deilt þessari bikiní mynd – Sagt að hún sé ólétt: „Smá ráð, salatbar“

Fyrirsæta fitusmánuð eftir að hafa deilt þessari bikiní mynd – Sagt að hún sé ólétt: „Smá ráð, salatbar“
Bleikt
Fyrir 1 viku

Æstur aðdáandi réðst á Miley Cyrus í Barcelona – Hélt henni fastri og kyssti hana

Æstur aðdáandi réðst á Miley Cyrus í Barcelona – Hélt henni fastri og kyssti hana

Tarot Spil

Veldu þér spil og sjáðu spádóm þinn.