Það getur verið að þú þjáist af kvíða og hugsanlega veistu ekki einu sinni af því. Hvernig veistu hvort kvíðinn og líðan þín er eðlileg eða hvort þú átt við heilsufarslegt vandamál að stríða?
Hér eru 13 merki um að þú þjáist hugsanlega af kvíða eða hræðslu:
Kvíðahugsanir tengjast oft þeirri hugsun að eiga von á því að eitthvað neikvætt eða hræðilegt muni gerast bráðum. Einstaklingar með kvíðaröskun ofmeta oft þessar aðstæður og vanmeta úrræði sín.
Að eiga erfitt með að slappa af, losna ekki við áhyggjur eða ná ekki slökun yfir höfuð, getur allt verið merki um kvíðaröskun. Ef aðferðir til að minnka streitu sem virka fyrir aðra virkar alls ekki fyrir þig, þarftu kannski að leita meðferðar við kvíðaröskun.
Ef auðvelt er að bregða þér og þú ert oft „á nálum“ eða ert með ýkt hræðsluviðbrögð við smávægilegum atvikum getur það verið merki um kvíðatengd vandamál.
Erfiðleikar með einbeitingu getur verið einkenni margra geðrænna vandamála. Að halda fókus og einbeita sér á ákveðið verkefni getur verið erfitt fyrir einstakling með kvíðaröskun.
Vandamál með að sofna eða að halda sér sofandi helst oft í hendur við kvíða. Svefnleysi getur svo líka gert einkenni kvíða enn verri. Bæði vandamál með að sofna og að sofa vel geta verið merki um kvíðaröskun.
Líður þér oft eins og hlutirnir séu óraunverulegir? Dr. Lawrence segir að fólk með kvíðaröskun finnist það oft aðskilin sjálfu sér, eins og það sé fyrir utan líkama sinn.
Kvíðaraskanir geta valdið sársaukafullum vandamálum sem oft er erfitt að greina sem kvíðatengd. Mörg líkamlegu einkennin sem fylgja kvíðaröskun túlkar fólk sem „hefðbundinn“ höfuðverk eða ógleði vegna flensu. Kvíðaröskun getur valdið mígrenishöfuðverkjum með miklum sársauka í annarri eða báðum hliðum höfuðsins. Verkurinn finnst oft rétt fyrir aftan auga eða eyra samkvæmt Bandarísku þunglyndissamtökunum.
Einstaklingar með mikinn kvíða upplifa oft langvarandi sársauka eða spennu í vöðvum, þar á meðal sjúkdóma eins og liðagigt og vefjagigt. Einkenni þessara sjúkdóma geta verið verkir, stirðleiki, bólgur og skemmdir á liðbrjósk.
Að finnast eins og eitthvað sé fast í hálsinum getur verið merki um kvíðaröskun. Slík tilfinning um þrengsli í hálsi getur valdið því að fólk á erfitt með að kyngja.
Kvíði getur valdið því að fólk þarf að fara örar ferðir á baðherbergið, sérstaklega konur. Niðurstöður breskrar rannsóknar sýndi að meira en helmingur þeirra sem áttu við vandamál tengd þvagláti sýndu önnur kvíðaeinkenni.
Að hristast og skjálfa getur verið merki um kvíða, sérstaklega ef einstaklingnum finnst hann ekki hafa neina stjórn á því eða stöðvað það. Skjálftinn getur verið meira áberandi þegar fólk með kvíða reynir að hvílast eða sofa.
Það er eðlilegt að svitna á æfingu eða áður en þú heldur kynningu og þarft það ekki að merkja að þú þjáist af miklum kvíða. En reglulegur kvíðasviti getur verið merki um kvíðaröskun, sérstaklega ef þú finnur einnig fyrir öðrum einkennum eins og slökunarerfiðleikum.
Streita, ótti og kvíði getur valdið magavandamálum eins og ógleði. Þessi heilsufarslegu vandamál geta valdið því að líkaminn starfar ekki eðlilega. Fylgir þá oft ónotatilfinning í maganum.