Það getur verið vandræðalegt eða óþægilegt að hitta foreldra maka þíns í fyrsta skiptið. Ímyndaðu þér hvað það yrði mikið verra ef þú værir búinn að sofa hjá einu foreldrinu.
Einn maður í Bretlandi fann sig í þessum skelfilega vandræðalegu aðstæðum.
Maðurinn, sem er 21 árs, sagði frá þessu á Reddit.
„Fyrir nokkrum mánuðum var ég ágætis rokkbar og það var hljómsveit að spila. Ég var að fá mér í glas ásamt stórum hóp af vinnufélögum. Ég tók eftir ljóshærðri konu sem var að fylgjast með mér. Ég fór til hennar og spjallaði við hana og bað um númerið hennar. Við sendum nokkur skilaboð fram og til baka,“ skrifar maðurinn.
Hann segir að þau hafi hist aftur og fengið sér nokkra drykki saman. Þau enduðu með að fara heim til konunnar og sofa saman. Hann segir að hann hafi tekið eftir að hún væri „mikið eldri“ en hann, en hann pældi ekkert meira í því.
Nokkrum vikum seinna kynntist hann nítján ára kærustu sinni á Tinder. Þau náðu vel saman og hún bauð honum heim til sín, sem er heima hjá foreldrum, hennar. Þegar hann kom þangað áttaði hann sig á því að hann hafði komið þangað áður.
„Hjartað mitt sökk þegar ég sá þessa yndislegu stúlku snúa sér að mér og segja: „Hér bý ég“ og benda á sömu hurðina og ég fór í gegnum þegar ég átti einnar nætur gamanið.“
Hann ákvað að segja kærustu sinni strax hvað væri í gangi.
„Hún var í sjokki. Mjög hissa þegar hún áttaði sig á því að ég væri ekki að grínast. Ég vissi að hún væri róleg týpa frá fyrstu stefnumótunum okkar og sem betur fer skildi hún þetta og réðst ekki á mig. Við vorum sammála um að við gætum ekki verið áfram saman en ég var mjög hrifin af henni. Sem er sjaldgæft fyrir mig þannig þetta er ömurlegt,“ skrifar maðurinn.
„Hún minntist ekki á hjónaband foreldra sinna og ég vildi ekki spyrja. En ég veit heldur ekki hvernig enginn var heima fyrir nokkrum mánuðum. Eina sem ég veit er að þetta er ruglað.“
Leiðinlegt að sambandi þeirra lauk, en það verður að segjast að fjölskyldumatarboðin hefðu orðið ansi vandræðaleg.