fbpx
Sunnudagur 16.júní 2019
Bleikt

Íslensk kona hneyksluð á framkomu hjartalæknis: „Þú verður að koma þér í þitt besta form svo maðurinn þinn fái aftur glit í augun“

Ritstjórn Bleikt
Þriðjudaginn 4. júní 2019 21:30

Ekki missa af Helstu tíðindum dagsins í pósthólfið þitt

Lesa nánar

Íslensk kona, sem vill ekki láta nafn síns getið, hefur gefið Bleikt leyfi til að birta pistil sem hún skrifaði fyrir nokkrum dögum. Í pistlinum rekur hún samskipti sín við hjartalækni sem eru ekki til fyrirmyndar að hennar sögn. Eins og hún lýsir sjálf stundinni þegar hún steig út af læknastofunni: „Mér sárnaði, ég varð reið, ég meira að segja grét smá.“

Konan vill birta pistilinn opinberlega til að opna umræðuna um hvernig læknar leyfa sér að tala við sjúklinga sem passa ekki í staðalímyndina um grannt og heilbrigt fólk. Við gefum konunni orðið.

Já, ég er of þung, já, ég þarf að hreyfa mig meira til að verða heilbrigðari, já, ég þarf að passa betur hvað ég borða til að verða heilbrigðari, já, ég þarf að hugsa betur um mig til að verða heilbrigðari. Ég er ekki í neinni afneitun á mínu líkamsástandi og þoli það alveg að bent sé á að ég þurfi að hreyfa mig meira og passa uppá mataræðið – líka frá læknum.

Ég elska mig og maðurinn minn elskar mig.

Hvert er ég að fara með þetta?

Jú, ég fór til hjartalæknis í morgun þar sem ég er búin að vera með miklar hjartsláttartruflanir og fór í svokallaðan holter fyrir nokkrum vikum síðan sem mældi hjartsláttinn minn í sólahring.

Ég mæti spennt í tímann og hlakka til að heyra hvaða ráð og lausnir hann hefur fyrir mig. Er að hitta þennan læknir í fyrsta skipti.

Hann lítur á mig og fer yfir þau gögn sem hann hefur í höndunum um mig. Hann spyr mig ekki hvernig ástandið er í dag, hann spyr mig ekki um fjölskyldusögu, hann spyr mig ekki um mína eigin sögu, hann spyr mig ekki að neinu sem snýr að hjartanu mínu eða mínu heilbrigði. Hann fer að tala um mataræði. Hann fer að tala um hreyfingu. Mikilvægi þessa tveggja þátta.

Hann talar um þetta í góðar 20 mínútur. Ég hlusta og tek mark á því sem hann segir. Fer svo smátt og smátt að velta því fyrir mér hvort hann ætli sér ekkert að ræða við mig – spyrja um mitt ástand, sögu og þess háttar.

En mér var svo nóg boðið þegar hann kemur með þessa gullnu setningu – „Þú verður að koma þér í þitt besta form svo maðurinn þinn fái aftur glit í augun þegar hann horfir á þig. Heyrðu svo í mér eftir ár ef þér tekst að komast í form.“

Svo að maðurinn þinn fái aftur glit í augun…. Hvað kemur það hjartalækninum við hvernig maðurinn minn horfir á mig? Og svo á ég að hafa samband við hann eftir ár EF mér tekst að koma mér í form!

Ég varð svo hissa – að ég kom ekki upp einu einasta orði – og ekki á ég erfitt með að svara fyrir mig. Ég þakkaði honum fyrir tímann og labbaði út.

Mér sárnaði, ég varð reið, ég meira að segja grét smá. En sem betur fer er ég það sterk að ég læt þetta ekki hafa áhrif á mig í langan tíma. En hvað ef ég væri það ekki? Hvað ef einhver brotnari en ég fær þessi skilaboð frá þessum lækni.

Ég er þakklát fyrir að vera á þeim stað að taka þetta ekki meira inná mig og er í því ferli að elska mig eins og ég er – læt þetta ekki stoppa mig – þó ég fari ekki aftur að hitta þennan lækni!

Þess má geta að konan hefur sent kvörtun til Landlæknisembættisins vegna málsins.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Ekki missa af

Bleikt
Fyrir 4 dögum

Biðst ekki afsökunar á kjólnum sem er talinn hafa brotið lög í heimalandinu

Biðst ekki afsökunar á kjólnum sem er talinn hafa brotið lög í heimalandinu
Bleikt
Fyrir 4 dögum

Aðdáendur tóku eftir óvenjulegri hegðun Keanu Reeves þegar hann stillir sér upp með konum – Hvers vegna gerir hann þetta?

Aðdáendur tóku eftir óvenjulegri hegðun Keanu Reeves þegar hann stillir sér upp með konum – Hvers vegna gerir hann þetta?
Bleikt
Fyrir 4 dögum

Justin Bieber vill slást við Tom Cruise

Justin Bieber vill slást við Tom Cruise
Bleikt
Fyrir 5 dögum

Mæður hylla þessa konu – Birti mynd sólarhring eftir fæðingu: „Mig langar að vera eins hreinskilin og mögulegt er“

Mæður hylla þessa konu – Birti mynd sólarhring eftir fæðingu: „Mig langar að vera eins hreinskilin og mögulegt er“
Bleikt
Fyrir 1 viku

Bradley Cooper og Irina Shayk hætt saman

Bradley Cooper og Irina Shayk hætt saman
Bleikt
Fyrir 1 viku

Anna tók í taumana þegar kílóin byrjuðu að stjórna henni: „Mér fannst eins og maðurinn minn myndi fara frá mér fyrir einhverja „granna“ gellu“

Anna tók í taumana þegar kílóin byrjuðu að stjórna henni: „Mér fannst eins og maðurinn minn myndi fara frá mér fyrir einhverja „granna“ gellu“
Bleikt
Fyrir 1 viku

Fyrirsæta fitusmánuð eftir að hafa deilt þessari bikiní mynd – Sagt að hún sé ólétt: „Smá ráð, salatbar“

Fyrirsæta fitusmánuð eftir að hafa deilt þessari bikiní mynd – Sagt að hún sé ólétt: „Smá ráð, salatbar“
Bleikt
Fyrir 1 viku

Æstur aðdáandi réðst á Miley Cyrus í Barcelona – Hélt henni fastri og kyssti hana

Æstur aðdáandi réðst á Miley Cyrus í Barcelona – Hélt henni fastri og kyssti hana

Tarot Spil

Veldu þér spil og sjáðu spádóm þinn.