Miley Cyrus og eiginmaður hennar Liam Hemsworth eyddu síðustu helgi í Barcelona. Þau voru í stórborginni til að fagna nýju plötunni hennar, „She Is Coming“ og fara á Primavera Sound tónlistarhátíðina þar sem hún kom fram.
Skemmtileg helgi hjá parinu sem tók snarpa beygju þegar maður réðst á Miley Cyrus.
Miley var að ganga með eiginmanni sínum og lífvörðum í gegnum hóp af æstum aðdáendum þegar maður reif í hár hennar, káfaði á henni og greip harkalega utan um háls hennar og kyssti hana. Miley reyndi að koma sér í burtu og loks sá einn lífvörður hvað var að gerast og ýtti manninum aftur í þvöguna.
Myndband af atvikinu var deilt á Twitter. Myndbandið er mjög óhugnanlegt og því miður sorglegur raunveruleiki þess sem margar konur hafa þurft að upplifa.
Miley Cyrus was attacked and kissed by a man in a mob of fans, when trying to enter her car. pic.twitter.com/UT4iMYTxc8
— Pop Sirens ? (@PopSirens) June 2, 2019
Miley hefur ekki tjáð sig um árásina og einbeitir sér að því að auglýsa nýju tónlistina sína.