Sýndi þungunarprófið jákvæða niðurstöðu? Áttu eftir að segja betri helmingnum gleðifréttirnar? Notaðu hugmyndaflugið!
Láttu hundinn kjafta frá
Skrifaðu „mamma er ófrísk“ á lítinn miða og festu hann við hundaólina. Fylgstu með viðbrögðunum þegar hundurinn hleypur á móti honum þegar hann kemur heim.
Stafaðu það
Biddu hann að spila við þig Scrabble og tjáðu þig með því að nota stafina úr spilinu.
Prentaðu á bol
Láttu prenta „Ég er stóri bróðir“ á bol handa syni ykkar. Klæddu hann í bolinn áður en gamli kemur heim úr vinnunni og láttu hann taka á móti pabba sínum í forstofunni.
Barnaþema
Skipuleggðu kvöldverð þar sem allt minnir á börn og barneignir. Bjóddu honum upp á barnamaís og litlar gulrætur með steikinni og skerðu út snúð úr eftirréttinum sem þú berð fram með rauða slaufu utan um beran magann.
Varalitur á maga
Skrifaðu „Hæ, pabbi!“ á magann á þér með eldrauðum varalit.
Leyndarmálið í sósunni
Skrifaðu fréttirnar á miða og límdu innan í sósukrukkuna. Þegar þið eldið saman um kvöldið skaltu biðja hann um að opna fyrir þig krukkuna. Fylgstu svo með svipnum á honum.
Fyrir golfarann
Láttu uppáhaldsáhugamál hans hjálpa þér að færa honum gleðifréttirnar. Láttu prenta „Litli golfsveinninn hans pabba“ á ponsulitla samfellu, pakkaðu henni inn og gefðu honum.
Fáðu hjálp
Talaðu við þjóninn á uppáhaldsveitingastaðnum ykkar. Fáðu hann með þér í lið til að koma hinum verðandi pabba á óvart.