fbpx
Föstudagur 24.maí 2019
Bleikt

Endalok tískusýningar Victoria’s Secret eins og við þekkjum hana

Lilja Katrín Gunnarsdóttir
Laugardaginn 11. maí 2019 11:30

Búið spil?

Ekki missa af Helstu tíðindum dagsins í pósthólfið þitt

Lesa nánar

Yfirmenn nærfatarisans Victoria’s Secret ætla að hætta að sýna árlegu tískusýningu sína í sjónvarpi, eins og gert hefur verið í um tuttugu ár. Þetta kemur fram í minnisblaði frá forstjóranum Les Wexner sem sagt er frá á vef Us Weekly.

Í fréttinni kemur fram að allir starfsmenn Victoria’s Secret hafi fengið orðsendingu fyrir stuttu þar sem stóð að sjónvarpsútsending hentaði ekki lengur tískusýningunni, en hún hefur verið sýnd á sjónvarpsstöðvunum ABC og CBS í rúmlega tuttugu ár.

„Tíska er iðnaður breytinga,“ skrifar Les í orðsendingunni. „Við verðum að þróast og breytast til að vaxa.“

Kendall Jenner sýnir undirföt.

Áhorfstölur aldrei minni

Árleg tískusýning Victoria’s Secret er einn stærsti tískuviðburður ársins og hafa heimsþekktar ofurfyrirsætur á borð við Tyru Banks, Gigi Hadid, Heidi Klum, Gisele Bundchen og Behati Prinsloo gengið tískupallana fyrir fyrirtækið. Þá hafa heimsklassa tónlistarmenn einnig troðið upp á sýningunum, til að mynda Justin Timberlake, Spice Girls, Taylor Swift og Ed Sheeran. Þrátt fyrir það hafa áhorfstölur hrunið niður síðustu ár og náðu þær lágmarki á sýningunni síðasta vetur.

Taylor Swift, Ariana Grande og Ed Sheeran skemmta á sýningunni.

Fagna ekki fjölbreytileikanum

Ein ástæða gæti verið hörð gagnrýni á Victoria’s Secret fyrir að fagna ekki fjölbreytileikanum, það er að segja konum af öllum stærðum og gerðum. Markaðsstjóri fyrirtækisins, Ed Razek, var til að mynda spurður í viðtali við Vogue í fyrra hvort að transfyrirsætur ættu einhvern tímann eftir að ganga tískupallana á sýningunni.

„Nei, það held ég ekki,“ sagði hann þá og bætti við: „Af því að sýningin er fantasía.“

Þá hafa fjölmörg tískumerki lagt mikla áherslu á að hafa alls kyns fólk, óháð kyni, kynvitund, kynhneigð, þyngd, hæð og útliti, í auglýsingaherferðum sínum á meðan Victoria’s Secret hefur haldið sig við ofurfyrirsætur sem uppfylla vissa fegurðarstaðla sem bransinn ákveður.

Vantar fjölbreytileika.

Óljóst er hvort tískusýningin verði haldin í ár og þá hugsanlega streymt á netinu í staðinn fyrir að vera sýnd í sjónvarpi. Möguleiki er að forsvarsmenn Victoria’s Secret bryddi upp á einhverju öðru í staðinn.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Ekki missa af

Bleikt
Fyrir 3 dögum

Konur á aldrinum 5 ára til 75 ára deila því hugrakkasta sem þær hafa gert

Konur á aldrinum 5 ára til 75 ára deila því hugrakkasta sem þær hafa gert
Bleikt
Fyrir 3 dögum

Skelfilegar afleiðingar þess að nota farða í Norður-Kóreu: Smyglhringur og pyntingar

Skelfilegar afleiðingar þess að nota farða í Norður-Kóreu: Smyglhringur og pyntingar
Bleikt
Fyrir 1 viku

Ég sleit tengsl við tengdamóður mína og hef aldrei verið hamingjusamari

Ég sleit tengsl við tengdamóður mína og hef aldrei verið hamingjusamari
Bleikt
Fyrir 1 viku

Sér enn eftir framhjáhaldinu: „Ég gat ekki haldið typpinu í buxunum eða kókaíninu úr nefinu“

Sér enn eftir framhjáhaldinu: „Ég gat ekki haldið typpinu í buxunum eða kókaíninu úr nefinu“

Tarot Spil

Veldu þér spil og sjáðu spádóm þinn.