Staðgöngumóðir stjörnuhjónanna Kanye West og Kim Kardashian er farin af stað með fjórða barn þeirra, en þetta opinberaði systir Kim, Kourtney Kardashian, í þætti Ellen DeGeneres þar sem móðir Kardashian-systranna, Kris Jenner var gestur.
„Mamma mín veit þetta ekki einu sinni en staðgöngumóðir Kim er farin af stað. Hún er á sjúkrahúsinu,“ segir Kourtney í meðfylgjandi myndbroti og Kris fær að sjálfsögðu áfall.
„Nei! Hvað erum við að gera hér? Koma svo Ellen, förum!“
Eins og áður segir verður þetta fjórða barn Kim og Kanye en fyrir eiga þau dæturnar North, fimm ára og Chicago, fimmtán mánaða og soninn Saint, þriggja ára.
