Leikarinn Bradley Cooper mætti ekki með kærustu sinni, ofurfyrirsætunni Irinu Shayk, í Met galaveisluna á mánudagskvöld, eins og tekið var eftir. Það var vinnan sem stóð í vegi fyrir að Bradley gæti mætt, en blaðafulltrúi hans segir í samtali við USA Today að Bradley hafi þurft að vera í Los Angeles að vinna í eftirvinnslu á nýju myndinni um Jókerinn.
Irina var við hlið Bradley á flestum stóru verðlaunahátíðunum, en mynd hans, A Star is Born, var tilnefnd til fjölda verðlauna. Irina mætti til að mynda með kærasta sínum á Golden Globe-hátíðina og Óskarsverðlaunin en komst því miður ekki á SAG-verðlaunin þar sem hún var að vinna í heimalandi sínu, Rússlandi.
Bradley og Irina byrjuðu að deita í apríl árið 2015 og opinberuðu sambandið í mars á tískuvikunni í París. Þau eiga saman dótturina Leu sem er tveggja ára.
Kærasta Bradley Cooper er ekkert pirruð yfir dúettnum á Óskarnum.
