Ef þú heldur að Kim Kardashian þénar mikið af hverri Instagram færslu þá hefurðu rétt fyrir þér.
Raunveruleikastjarnan getur fengið allt að 120 milljónir íslenskra króna fyrir að setja inn færslu á Instagram. Hún er með 137 milljón fylgjendur á Instagram.
Kim stendur nú í málssókn gegn fatamerkinu Missguided, sem hún segir nota nafn og ímynd hennar til að auglýsa fatnað.
Hún höfðaði nýlega mál gegn fyrirtækinu og segir í málssókninni að hún fær um 36 til 61 milljónir íslenskra króna fyrir hverja færslu samkvæmt TMZ.
Kim heldur því fram að það hefur skaðað vörumerki hennar að Missguided USA hefur tengt sig við hana. Í skjölunum segir Kim að hún hafnar oft tilboðum því hún vill ekki vera tengd við ákveðin fyrirtæki og vörumerki.
Samkvæmt TMZ getur hún fengið allt að 120 milljónir íslenskra króna fyrir færslu, en það samsvarar einni milljón dollara og búist er við að skjölunum verið breytt í málssókninni.
Kim sótti fyrst um að fá 1200 milljónir íslenskra króna í skaðabætur en samkvæmt Daily Mail mun hún þurfa að sætta sig við raunhæfari upphæð. Hún ákvað fyrst að kæra fyrirtækið eftir að það byrjaði að selja eftirlíkingu af Thierry Mugler kjól sem Kim klæddist.