Tamra Lerum og sonurhennar Finn komu við í Walgreens fyrir nokkrum dögum. Þar keypti hún leikföng handa syni sínum en sá fljótt eftir því. Hún deilir reynslunni og bráðfyndnum myndum á Facebook.
„Það var helling af páskadóti á afslætti og ég leyfði Finn að velja nokkur leikföng. Finn ákvað að hann ÞYRFTI að fá þessa banana! Þeir eru rosa mjúkir og ég hugsaði að þeir væru í krúttlegum umbúðum og þetta væri gott skynjunarleikfang fyrir smábarn,“ segir Tamra. En allt var ekki sem sýndist.
„Jæja ég á vandamál við að stríða. Getur einhver giskað af hverju? Fyrsta myndin er af umbúðunum sem þeir koma í. Rosa krúttlegt og nær til barna. Síðan opnarðu bananann og inn í honum er óvæntur glaðningur!“
„Lítur út eins og risastór gervilimur sem þriggja ára sonur minn er að sveifla út um allt. Hann tók hann úr vasanum þegar við sóttum eldri bróðir hans á leikskólann! Ég sagði honum að TAKA HANN EKKI INN!!! Ég öskraði: FINN SETTU ÞETTA AFTUR Í VASANN. Bara svo þið vitið það þá er leikskólinn í kirkju. Ég dauðskammaðist mín, haha.“
Tamra segir að leikfangið á að vera fingur. „Hverjum fannst þetta í lagi?“
„Mér datt í hug að ég ætti að vara alla foreldra við sem gætu rekist á þessi leikföng í framtíðinni.“