Við erum ólíklegri til að smitast af geispum annarra þegar við eldumst. Þetta kemur fram í nýlegri rannsókn.
Vísindamenn skoða nú hvort getan til að smitast af geispa sé erfð í von um að ná árangri í meðhöndlun geðsjúkdóma.
Í rannsókninni, sem birtist í vísindatímaritinu Plos One, kemur fram að einhverfir einstaklingar og geðklofasjúklingar geispa síður en annað fólk þegar þeir sjá aðra geispa. Vísindamenn vonast því til að með því að skilja genin sem stjórna geispanum væri hægt að skilja einhverfu og geðklofa betur.
