Það er ýmislegt sem manni yfirsést við meðhöndlun hversdagslegra hluta en hér má finna nokkur atriði sem gætu komið einhverjum á óvart.

Gatið á loki kúlupennans

Margir halda að gatið á loki kúlupennans sé til þess að blekið þorni ekki upp eða komi í veg fyrir að penninn leki. Staðreyndin er þó allt önnur. Þetta gat bjargar mannslífum. Það kemur í veg fyrir að börn kafni ef lokið festist í öndunarveginum.

Litla gatið á rúðum flugvéla

Tvær ástæður eru fyrir þessu litla gati: Annars vegar er það til að draga úr þrýstingi sem er allt annar innan vélarinnar en utan hennar. Hins vegar kemur þetta í veg fyrir að móða myndist á rúðunni.

Litli vasinn á gallabuxunum

Ef þið hefðuð verið uppi á tímum gullæðisins myndi þetta ekki vefjast fyrir ykkur. Gallabuxurnar voru fyrst saumaðar á 19. öld og einhvers staðar þurftu menn að geyma vasaúrin sín. Þau eru að mestu horfin í dag, en vasinn er enn á sínum stað.

Litlu hnapparnir á gallabuxunum

Gallabuxur voru iðulega notaðar af verkamönnum og áttu það til að rifna á ákveðnum stöðum. Gallabuxna framleiðandinn Levi Strauss brá fyrstur á það ráð að styrkja buxurnar á viðkvæmum stöðum með þessum litlu hnöppum.

Aukagötin á Converse skóm

Þessi göt eru fyrst og fremst til þess gerð að lofta betur út. Sumir telja að einnig megi þræða reimar þar í gegn til þess að festa skóna betur en þeir voru upprunalega framleiddir sem körfuboltaskór.

Gatið í pastaskeiðinni

Sérstakar pastaskeiðar eru til á flestum heimilum. Í miðjunni er gat sem tryggir að vatnið renni í gegn. En gatið á flestum þeirra má nota til að mæla eins manns skammt af spagettíi.

Litla örin á bensínmælinum

Á flestum bílum má finna litla ör við bensínmælinn. Hún bendir annað hvort til hægri eða vinstri og segir til um hvoru megin bílsins bensíntankurinn er staðsettur.

Takkarnir F og J á lyklaborðinu

Margir hafa ekki tekið eftir því en á tökkunum F og J á lyklaborði er a finna upphleyptar rákir. Það er til þess að auðvelda mönnum að staðsetja hendurnar á lyklaborðinu, þegar notast er við hefðbundna fingrasetningu, án þess að þurfa að líta niður.

Holrúm á botni vínflöskunnar

Holrúmið á botni vínflöskunnar er til að jafna þrýstinginn sem myndast þegar korktappinn er settur í flöskuna. Hefurðu tekið eftir því að vín flöskur með skrúftappa hafa oftast flatan botn?

Litla gatið undir hengilásnum

Á hengilásum má gjarnan finna lítið gat sem þjónar ýmis konar tilgangi. Það hleypir út vatni, ef lásinn er notaður utandyra, og kemur í veg fyrir að hann ryðgi eða vatnið frjósi og skemmi lásinn. Einnig má nota gatið til að smyrja lásinn.