Myndband sem sýnir tvíbura í móðurkviði slást með látum hefur farið eins og eldur í sinu um internetið síðustu daga. Myndbandið á uppruna sinn í Kína og var tekið upp þegar að móðir tvíburanna fór í sónar þegar hún var komin fjóra mánuði á leið.
Mr. Tao, faðir tvíburanna, segir í samtali við kínverska fréttamiðilinn The Paper að hann hafi ekki búist við því að stúlkurnar tvær „yrðu internetstjörnur áður en þær fæddust.“
Þá bætir hann við að stúlkurnar hafi faðmast í næstu skoðun sem var í janúar síðastliðnum. Tvíburastúlkurnar komu síðan í heiminn, hraustar og pattaralegar, og hafa fengið nöfnin Cherry og Strawberry, eða Kirsuber og Jarðarber – í höfuðið á uppáhaldsaávöxtum móður sinnar.