Twilight leikkonan Nikki Reed opnaði sig um brjóstagjöf á Instagram í gær. Nikki er með 20 mánaða gamla dóttur sína, Bodhi Soleil, á brjósti. Nikki á Bodhi með eiginmanni sínum, Vampire Diaries leikaranum Ian Somerhalder.
Leikkonan ræddi um nálgun sína varðandi að gefa dóttur sinni að borða. Hún sagði að Bodhi væri aðeins nýlega farin að sína mat áhuga. Nikki sagðist ekki vita hvenær hún ætlaði að hætta með Bodhi á brjósti.
„Ég er oft spurð hversu lengi ég ætla að gefa brjóst. Ef ég á að vera alveg hreinskilin þá hef ég ekki hugmynd hversu lengi ég og hún munum vera á þessu ferðalagi saman. Ég fylgi hennar leiðsögn og hún segir mér nákvæmlega það sem hún þarf,“ segir Nikki.
View this post on Instagram
„Nú er hún 20 mánaða og nýfarin að hafa áhuga á mat. Ég uppgötvaði eftir að hafa blandað og maukað mat í ár að dóttir mín er ekki hrifin af stöppuðum barnamat. Klikkað ekki satt? Það var ekki fyrr en einhver stakk upp á því að ég myndi sleppa maukuðum mat og fara beint í fingramat. Þá fyrst fór hún að sýna mat áhuga. Hver vissi að sum börn sleppa alveg því stigi að borða mauk,“ segir Nikki.
Nikki gaf foreldrum sem eiga erfitt með að gefa börnunum sínum gufusoðið grænmeti eða mauk ráð. Hún sagði þeim að „fara beint í fullorðinsmat.“
Twilight leikkonan sagði einnig fylgjendum sínum að ferðalag hvers foreldri er einstakt og hentar fyrir það.
„Til öryggis ef þú þarft að heyra þetta aftur, því ég þurfti þess klárlega. Hvað sem þú ert að gera þá ertu að gera það rétt! Hvert barn fer sína eigin leið að gera hlutina og hvernig þau þurfa að gera hana. Okkar verk er að treysta okkur sjálfum, tala við aðrar mæður og bara fylgja flæðinu.“
