Indira Tuckler keypti nokkur leikföng úr kaðli handa hundunum sínum. Hún gerði ráð fyrir að kaðlarnir væru öruggir því þeir virtust vera sterkbyggðir og voru keyptir í virtri og þekktri verslun.

Hins vegar rifu hundarnir leikföngin í sundur á innan við degi frá því að þau voru keypt.

Indira henti leikföngunum en það var of seint. Fjórtán mánaða gamli golden retriever hundurinn hennar, Sam, hafði gleypt hluta af kaðli og dó.

„Boltinn raknaði upp og reif nokkrar holur í meltingaveginn meðan hún reyndi að skila honum,“ skrifaði Indira í færslu í Facebook-hópnum Vizsla Dog Lovers.

„Það voru rúmlega 90 sm af reipi fjarlægðir úr þörmunum hennar. Skaðinn var svo mikill að hún dó tveimur dögum seinna.“

Indira ákvað að deila sögu Sam því hún segist hafa haldið að „það væri ekki hægt að eyðileggja“ leikföng úr kaðli. Hún vill vara aðra hundaeigendur við hversu hættuleg þau eru.

„Þetta var óskiljanlegur dauði sem var hægt að forðast. Það ætti ekki að selja þessi leikföng. Ég trúi að það er kraftur í fjöldanum og ef við getum deilt sögu Sam þá getum við kannski bjargað hundslífi.“