Colton Underwood, sem er frægastur fyrir að hafa verið piparsveinninn í nýjustu seríunni af Bachelor, hefur gert konur um heim allan foxillar eftir viðtal sem birtist í þættinum The LadyGang á sjónvarpsstöðinni E!
Í þættinum var Colton spurður spjörunum úr um allt sem tengist konum, þar á meðal um blæðingar. Hann var til að mynda spurður hvort hann sæi hvort kona væri í sætum undirfötum eða blæðingarbuxum.
„Er einhver munur?“ spurði Colton þá og bætti við að honum finndist rökrétt að konur hentu nærbuxum sem kæmi smá túrblóð í, jafnvel þó þáttarstjórnandinn hafi útskýrt að blæðingar væru mánaðarlegur viðburður. Bað Colton konur vinsamlegast um að kaupa sér ný nærföt í staðinn fyrir að þvo túrblóðið úr þeim.
„Ég, sem eiginmaður og kærasti, skal kaupa handa ykkur ný nærföt. Þetta er svo ógeðslegt,“ segir hann í meðfylgjandi myndbandi og líkir blæðingum síðan við niðurgang. „Ætlarðu sem sagt að þvo nærbuxurnar ef þú skítur á þig?“
Hægt er að horfa á þetta umdeilda viðtal hér fyrir neðan:
https://youtu.be/ld72xqY2t14
