Áhrifavaldurinn Sunneva Einarsdóttir deilir frábærum ráðum er varða húðumhirðu í sögu sinni á Instagram. Ráðin eru í átta liðum og felast meðal annars í því að drekka nóg vatn, hreyfa sig og þrífa húðina á réttina hátt.
1. Þrífa húðina reglulega og með vörum sem henta þinni húðtýpu. Þrífa bæði á kvöldin og morgnana (þó þú hafi ekki verið með farða). Það er ekki nóg að nota hreinsiklúta eða farðahreinsir. Það þrífur farðann en ekki húðina. Það er mikilvægast í þessu öllu að halda húðinni hreinni. Það er hægt að fá ráðleggingar frá snyrtifræðingum um hvað hentar þinni húð og hvernig húðgerð þú ert með.
2. Raki. Ekki er nóg að þrífa húðina heldur er mikilvægt að halda góðum raka í henni.
3. Drekka nóg af vatni. Hydration is the main key! Ég finn rosalegan mun á húðinni minni ef ég er dugleg að drekka vatn. Meiri ljómi og minni þurrkur.
4. Maskar. Finndu þér maska sem henta þinni húð og trítaðu hana vikulega. Ég nota mud mask og rakamaskann frá Laugarspa 1-2 sinnum í viku.
5. Þrífa förðunarbursta reglulega! Um leið og ég gleymi að gera viku burstaþvottinn þá verður húðin mín ekki sátt. Það myndast mikið af sýklum í burstunum okkar og finnst mér gott að þrífa þá 1-2 í viku.
6. Skipta reglulega um koddaver. Líkt og förðunarburstarnir, þá setjast óhreinindi í koddaverin okkar. Við sofum á þessu daglega og mikilvægt að þrífa þau vikulega til þess að þau komist ekki í snertingu við tandurhreina húðina!
7. Takmarka snertingu. Ekki vera mikið með fingurnar í andlitinu á daginn. Slepptu því að bera óhreinindin af fingrunum framan í þig. Prófabólur myndast mikið við þessa snertingu.
8. Hollt mataræði og hreyfing. Sama hvað, reynum alltaf að borða í hollari kantinum og hreyfa okkur nokkrum sinnum í viku. Það er gott fyrir okkur á alla vegu!
Í lok sögunnar segist Sunneva sjálf hafa þurft að glíma við húðvandamál en að ofangreind ráð hafi bjargað henni.
„Ég átti mitt tímabil fyrir 3 árum þar sem húðin mín fór í rugl en það var vegna nýrra hormóna. Ég hætti á þeim og þá byrjaði uppbygging. Ég fór mjög strangt eftir þessu og núna er þetta partur af daglegri rútínu. Slæm húð er ekki the end of the world þó manni líði þannig. Trust me, I know.“
