Breska Playboy-fyrirsætan Zoe Gregory heldur því fram að Alex Rodriguez hafi haldið framhjá Jennifer Lopez. Hún segir að Alex, sem oft er kallaður A-Rod, hafi sent henni fjölmörg skilaboð þar sem hann bað hana til dæmis um að koma í trekant og sendi henni grófar myndir.
Zoe segir A-Rod hafa verið á eftir sér frá öðrum degi jóla í fyrra, þegar hún fékk fyrstu skilaboðin frá honum, og þar til 22. janúar. A-Rod bað Jennifer Lopez sex vikum seinna, eða þann 9. mars síðastliðinn.
Zoe segir að skilaboðasendingarnar hafi fljótt farið úr böndunum og að A-Rod hafi fljótlega beðið hana um að hitta sig í eigin persónu.
„J. Lo er stórkostleg og á þetta ekki skilið. Þegar hann var að undirbúa bónorðið var hann að biðja mig um kynlífsmyndbönd, heimta að við myndum sofa saman og biðja mig um að redda öðrum stúlkum með,“ segir Zoe í viðtali við The Sun.
„Ef hann er að gera þetta alveg þar til hann biður hennar er þetta ekki sanngjarnt,“ bætir hún við.
Í meintum skilaboðum hrósar A-Rod Zoe fyrir vöxtinn og biður um myndbönd af henni. Þá spyr hann einnig um vinkonu hennar og veltir fyrir sér hvort þær tvær séu til í trekant.
„Er hún heit? Fyndin? Hve oft hefur þú sofið hjá henni?“ á A-Rod að hafa sent.
Þá segir Zoe að A-Rod hafi sent henni typpamyndir.
„Hann er klámhundur. Hann virðist vera þurfandi og graður maður,“ segir Zoe.
Þetta er ekki fyrsta sagan um meint framhjáhald A-Rod sem kemur upp á yfirborðið. Nokkrum klukkustundum eftir að hann bað J. Lo var hann sakaður um að halda við fyrrverandi eiginkonu Jose Canseco, en þeir spiluðu saman hafnabolta fyrir Yankees. Það var Jose sjálfur sem tísti þessum ásökunum.
„Ég er að horfa á J. Lo senda Alex Rodriguez skilaboð en hún veit ekki að hann er að halda við fyrrverandi eiginkonu mína, Jessicu. Greyið stúlkan. Hún hefur ekki hugmynd um hvaða mann hann hefur að geyma,“ skrifaði Jose. Jessica hefur hins vegar neitað þessu.
Watching World of Dance watching J.Lo text Alex Rodriguez little does she know that he is cheating on her with my ex-wife Jessica poor girl she has no idea who he really is
— Jose Canseco (@JoseCanseco) March 11, 2019
