Hazel Wood frá Essex í Bretlandi varð húseigandi aðeins 22 ára gömul. Hún fékk enga fjárhagslega aðstoð frá foreldrum sínum né bankanum. Hazel er áhrifavaldur á samfélagsmiðlum og er með vinsæla YouTube rás.
Hún segir fylgjendum sínum frá því hvernig hún fór að því að safna og gefur ýmis sparnaðarráð á Daily Mail.
Hazel tókst að safna rúmlega þremur milljónum krónum á tveimur árum. Samkvæmt henni þýðir ekki sparnaður að sleppa því að fara í ferðalög eða út með vinum.
„Ég þurfti að fórna miklu en ég gaf mér sjálfri vasapening mánaðarlega sem ég mátti nota í hvað sem ég vildi. Þau tvö ár sem ég var í sparnaði þá fór ég í mörg ferðalög. Ég setti pening til hliðar fyrir fram,“ segir hún.
„Með því að skipuleggja sig þá trúi ég því að ungt fólk getur stigið sín fyrstu skref á fasteignamarkaðinum.“
Hazel keypti sína fyrstu íbúð í júlí í fyrra.
„Ég sparaði yfir þrjár milljónir fyrir innborgun án þess að fá hjálp frá fjölskyldu minni. Hazel tók lán hjá Help to buy til að kaupa íbúðina sína.
Frá því að hún hefur verið unglingur hefur henni langað að eiga sitt eigið heimili. En hún byrjaði ekki að spara fyrir alvöru fyrr en hún varð tvítug. Á meðan hún sparaði bjó hún hjá foreldrum sínum. Hún fór yfir öll útgjöld og þurfti að gera ýmsar breytingar.
„Bara með því að skipta um bíl sparaði ég mér rúmlega fimmtán þúsund krónur á mánuði,“ segir hún.
„Ég sagði líka upp áskriftum af Spotify, Netflix og Hayu. Það allt saman telur.“
Hazel þurfti að fórna ýmsu eins og að fara á fína kokteilabari, versla ný föt eða fara út að borða.
„Stundum sparaði ég vasapeninginn minn og notaði hann til að fara í ferðalag. Ég fór reyndar í nokkur ferðalög yfir þessi tvö ár.“
