Konur breytast í mæður sínar þegar þær verða 33 ára samkvæmt nýrri könnun.
Einn stærsti ótti ungra kvenna er að breytast í móður sína. Þó við elskum alveg mömmur okkar er erfitt að hugsa sér að verða eins og þær.
Við lofuðum líka sjálfum okkur að verða „töff mömmur.“ Ekki eins leiðinlegar og strangar og mömmur okkar. En síðan urðum við foreldrar og þá breyttist allt. Við áttuðum okkur á því að mömmur okkar höfðu rétt fyrir sér allan þennan tíma. En hvenær gerist það?
Samkvæmt nýrri rannsókn breytist það þegar við verðum 33 ára.
Niðurstöður rannsóknarinnar gefa til kynna að fyrstu árin eftir að konur verða mæður byrja þær að breytast í mæður sínar. Þær byrja að þróa með sér sama viðhorf og smekk. Rannsóknin var framkvæmd í Bretlandi og þar eiga konur sitt fyrsta barn að meðaltali þegar þær eru 30,5 ára. Þannig næstu árin breytast konur hægt og rólega í móður sína.
Læknirinn sem framkvæmdi rannsóknina, Julian De Silva, skoðaði tvö þúsund manns. Hann komst að því að þátttakendur byrjuðu að verða meira eins og foreldrar sínir þegar þeir byrjuðu að líkjast þeim í útliti.