Ein af erfiðustu æfingunum sem til eru til að æfa þríhöfðann eru demantaarmbeygjur. Þeir sem ná að gera þær eru í góðum málum varðandi handstyrk.
Hér fyrir neðan má sjá hvernig á að gera armbeygjurnar, en það er vefurinn Women‘s Health sem á heiðurinn af myndbandinu.
Til að fullkomna armbeygjuna eru hendur settar undir brjóstkassa og þumlar og vísifingrar látnir snertast til að mynda demant, eða þríhyrning. Síðan þarf að spenna læri og rassvöðva fyrir stöðugleika, láta brjóstkassa síga að jörðu og passa að olnbogar snúi aftur að fótleggjum. Síðan ýtir maður líkamanum aftur upp og endurtekur. Hægt er að gera armbeygjurnar jafnt á tánum sem og hnjám.
