Söngkonan Jessica Simpson eignaðist stúlkubarn, sem hlotið hefur nafnið Birdie, á þriðjudaginn. Jessica og eiginmaður hennar, Eric Johnson, eru að vonum í skýjunum en fyrir eiga þau dótturina Maxwell, sex ára og soninn Ace, fimm ára.
Jessica birti fallega mynd af nýjustu viðbótinni í fjölskylduna á Instagram, en Jessica talaði mjög opinskátt um alla þá erfiðleika sem fylgdu þessari þriðju meðgöngu.
Jessica fékk til að mynda mikinn bjúg og bakflæði og var lögð inn á sjúkrahús nokkrum sinnum. Hún fékk bronkítis fjórum sinnum á tveimur mánuðum, en sem betur fer hafði heilsa móðurinnar ekki slæm áhrif á litlu Birdie.