Áhorfendur Channel 4 voru vægast sagt í áfalli eftir að hafa horft á fimm mæður framleiða sína eigin klámmynd. Heimildamyndin Mums Make Porn var sýnd á sjónvarpsstöðinni síðastliðið miðvikudagskvöld.
Allar fimm mæðurnar eiga börn á unglingsaldri. Eftir að hafa séð hvers konar klám er á netinu voru þær skelfingu lostnar og ákváðu að framleiða sína eigin klámmynd.
Markmið þeirra var að gera mynd sem er ekki aðeins klámmynd heldur stuðlar einnig að heilbrigðu viðhorfi til kynlífs og sambanda fyrir næstu kynslóð.
Áhorfendur áttu erfitt með sig fyrstu fimmtán mínúturnar á meðan mömmurnar horfðu á gróf klámmyndbönd. Seinna voru áhorfendurnir í áfalli, því mömmurnar fylgdust með raunverulegum klámstjörnum sinna vinnunni sinni.
Áhorfendur fóru á Twitter til að tjá sig um málið:
„Þetta sjónvarpsefni er að sjokkera mig meira heldur en alvöru klám.“
„Ókei, Channel 4 hafa gengið á göflunum. #MumsMakePorn gæti auðveldlega verið skrýtnasta sjónvarpsefni allra tíma. Hvað er að gerast við þetta land?“
„Hvað er ég að horfa á og af hverju get ég ekki skipt um stöð?“
„Hvað í fjandanum er þetta?!!“
Þó svo að nokkrir voru í áfalli yfir heimildamyndinni þá hrósuðu margir henni hástert.
„#Mumsmakeporn er gjörsamlega heillandi. Vel gert Channel 4.“
„#Mumsmakeporn hefur verið frábært hingað til.“
Mæðurnar Emma, Anita, Sarah, Sarah-Louise og Jane voru fengnar saman til að að skrifa, framleiða og leikstýra klámmynd sem þær myndu vera ánægðar með að unglingar þeirra myndu sjá í stað grófa klámefnisins sem er í boði frítt á netinu.
Mæðurnar heimsóttu sett þar sem var verið að taka upp klámmynd. Þeim hryllti við vinsældum „nauðgunaróra“ og voru hneykslaðar og í uppnámi eftir að hafa horft á klámatriðið.
Ein mamman, Jane, átti erfitt með að halda áfram eftir að hafa horft á eina konu taka þátt í kynlífsatriði með mörgum karlmönnum.
Áhyggjur mæðranna minnkuðu eftir að hafa hitt „siðferðislega“ klám leikstjórann Eriku Lust í Barcelona.
Klámmyndir Eriku einblína á ánægju kvenna og notar „alvöru konur.“ 40 prósent af áskrifendum Eriku eru konur.
Mæðurnar horfa á Eriku leikstýra atriði þar sem sex konur eru samankomnar í orgíu með kristal kynlífsleikföngum.
Eftir á segir Emma: „Þetta var glæsilegt kynlífsatriði. Ef við getum gert eitthvað eins og þetta, þá væri það frábært.
Myndin, sem verður tólf mínútur að lengd, verður sýnd sérfræðingum klámiðnaðarins.
Mæðurnar fóru í Good Morning Britain til að ræða um myndina.