Það hefur lengi tíðkast að maka bleki á fætur ungabarna og taka af þeim afrit þegar þau eru nýfædd til þess að eiga til minningar. Margir foreldrar setja fótsporið í ramma og skreyta heimili sitt með því. Það hefur einnig tíðkast að halda upp á fylgjuna, setja hana jafnvel í töfluform og gleypa en það er talið gott fyrir móðurina og brjóstagjöfina. Það er mis vinsæl skoðun og ekki eru hvaða mæður sem er tilbúnar til þess að leggja sér fylgjuna til matar.
Nýjasta trendið verður líklega álíka mis vinsælt en nú hafa einhverjar mæður tekið upp á því að hafa samband við skartgripahönnuð sem heitir Ruth en hún sérhæfir sig í því að útbúa skartgripi úr naflastrengjum ungbarna.
Eftir að barnið fæðist er naflastrengurinn klipptur. Naflastrengurinn tengir saman móður og barn og útvegar því súrefni og næringu á meðan það er enn í maga móðurinnar. Þegar búið er að klippa naflastrenginn af myndast oft lítill stubbur sem þornar upp og dettur af nokkrum dögum síðar. Það er sá hluti naflastrengsins sem notaður er í skartgripagerðina. Hingað til hafa margir foreldrar, einhverra hluta vegna ákveðið að geyma naflastrenginn en í dag er hægt að gera úr honum skartgrip.
Sitt sýnist hverjum og hefur þessi nýjasta tíska verið gagnrýnd af mörgum. Þó má segja að skartgripirnir sem slíkir eru margir hverjir virkilega fallegir en sumu fólki bíður við hugsunina um að naflastreng sé að ræða. Hér fyrir neðan má svo sjá nokkrar útfærslur af naflastrengjunum.