Kylie Jenner, 21 árs, er ánægð að vera komin með gamla líkama sinn aftur eftir barnsburð. Raunveruleikastjarnan fæddi fyrsta barn sitt og rapparans Travis Scott í febrúar 2018.

Kylie hefur áður sagt að hún þyngdist um 18 kíló þegar hún var ólétt. Þremur mánuðum eftir að hún fæddi sagði hún á Snapchat að hún vildi missa níu kíló. Kylie hefur einnig sagt að hún er ekki hrifin af því að hreyfa sig.

https://www.instagram.com/p/Br05dn-nab0/

Þessa dagana virðist raunveruleikastjarnan vera hamingjusamari með líkama sinn. Með myndbandi sem hún deildi á Instagram skrifaði hún: „Ég er stolt af litla maganum mínum.“

https://www.instagram.com/p/Bu7-2okH6Gd/

Kylie var spurð hvernig hún fékk „flatan maga aftur,“ meðan hún var á Instagram Live. Hún svaraði:

„Til að vera alveg hreinskilin þá snýst þetta allt um mataræði hjá mér. Ég er náttúrulega bara mjög grönn manneskja… eins og Kendall Jenner, en ekki eins og Kendall. Hún er náttúrulega eins og módel. En já ég hef alltaf verið með mjög flatan maga, en mér hefur aldrei liðið þannig eftir barnsburð fyrr en nýlega. Það hefur mikið að gera með mataræði. Eins og ég borða venjulega rosalega klikkað, bara hvað sem ég vil – pítsu, pasta, mikið af mjólkurvörum og ég eiginlega bara hætti alveg að borða það. Ég hef verið að borða betur og mér finnst eins og það sé málið fyrir mig, persónulega.“

Kylie bætti við: „Ég held líka að eftir barn þá tekur það jafn langan tíma fyrir líkama þinn að ganga til baka eins og það tók fyrir hann að ganga með barn. Því ég hef heyrt það frá fullt af fólki. Það tekur heilt ár. Það gerir það virkilega. Mér finnst ég klárlega eins og ég sjálf aftur.“