Heimildarmyndin Að sjá hið ósýnilega verður frumsýnd í apríl, en um er að ræða heimildarmynd um konur á einhverfurófi, líf þeirra og reynslu.
Búið er að setja stiklu fyrir myndina á Facebook og er hún vægast sagt áhugaverð. Þau Bjarney Lúðvíksdóttir hjá Eyjafilm og Kristján Kristjánsson hjá Kraumar kvikmyndagerð unnu myndina í samstarfi við Einhverfusamtökin og kynntust fjölmörgum konum á einhverfurófi.
Markmið myndarinnar er að upplýsa almenning um stöðu og tilvist þessarar ósýnilegu kvenna á einhverfurófi, upplýsa um alvarleika þess að fresta því að fara í greiningu og eyða fordómum.
Stikluna má sjá hér fyrir neðan:
