Söngkonan Demi Lovato og fatahönnuðurinn Henri Levy eru hætt saman samkvæmt heimildum Entertainment Tonight.
Demi og Henri sáust fyrst saman fyrir fjórum mánuðum síðan en staðfestu ekki samandið fyrr en seint í desember á síðasta ári.
Demi og Henri eru bæði óvirkir fíklar og kynntust í meðferð fyrir nokkrum árum. Þau voru góðir vinir um árabil áður en ástarblossinn kviknaði fyrir nokkrum mánuðum. Nú er hann hins vegar slokknaður, sem kemur á óvart því Henri játaði ást sína á Instagram á Valentínusardaginn og Demi gaf honum hvolpinn Ozzie í tilefni dagsins.