Breski leikarinn Simon Pegg hefur átt góðu gengi að fagna í leiklistinni, þar á meðal í myndunum Run, Fat Boy, Run, Shaun of the Dead og Mission Impossible-myndunum. Nú undirbýr hann sig fyrir spennumyndina Inheritance og birtir einkaþjálfarinn hans, Nick Lower, mynd af afrakstri undirbúningsins á Twitter.
Nick birtir mynd af afar grönnum og stæltum Simon Pegg og segir að karakter hans í Inheritance hafi þurft að vera mjög grannur og líta út á vissan hátt.
• #SimonPegg 6 month body transformation for #InheritanceMovie
• The brief for this role was lean, VERY lean. It required a specific body shape & look pic.twitter.com/ihjL23HTPt— Nick Lower (@NickLowerPT) March 1, 2019
Viðbrögð við myndinni hafa ekki látið á sér standa og hafa aðdáendur stjörnunnar hent fram setningum á borð við: „Gefið honum köku“, „Hann hlýtur að vera feginn að vera ekki lengur stríðsfangi“, „Hann er að reyna að toppa Christian Bale“ og „Þú ert í ruglinu – þetta getur ekki verið hollt“. Nokkrir taka hins vegar upp hanskann fyrir Simon og hrósa honum fyrir að leggja svo mikinn metnað í hlutverk sitt í kvikmyndinni.
Það er lítið vitað um Inheritance, en meðal annarra leikara eru Lily Collins, Chace Crawford og Connie Nielsen.