Melinda Nichols trúði lækni sínum þegar hann sagði henni að lykkjan hefði dottið úr henni fyrir áratug. Það kom henni því rosalega á óvart þegar annað kom í ljós. Lykkjan hafði verið fljótandi inn í henni allan þennan tíma.
Lykkjan er ein vinsælasta getnaðarvörnin fyrir konur. Til eru tvenns konar lykkjur: kopar- og hormónalykkjan. Þær eru báðar T-laga og eru settar í gegnum leghálsinn og sitja síðan inn í leginu.
Melinda eignaðist barn með eiginmanni sínum árið 2007 og ári seinna ákvað hún að láta setja upp lykkjuna. Stuttu seinna fór hún í röntgenmyndatöku svo hægt væri að ganga úr skugga um að lykkjan væri á sínum stað. Lykkjan fannst ekki á röntgenmyndatökunni.
„Lykkjan var farin. Þau sögðu mér að hún hefði „dottið úr mér,““ sagði Melinda við People. Melinda spurði lækninn hvort hún hefði ekki átt að finna eitthvað fyrir því þegar lykkjan losnaði og datt, en hún segir lækninn hafa svarað: „Ekki endilega.“
Læknirinn bauðst til að endurtaka aðgerðina sem Melinda afþakkaði pent og lét í staðinn taka sig úr sambandi.
Nú áratug síðar hefur komið í ljós að lykkjan hafi alls ekki dottið úr Melindu.
Melinda fór í röntgenmyndatöku út af ótengdum bakvandamálum.
„Læknirinn kom inn og sagði: „Þú verður að hafa samband við kvensjúkdómalæknirinn þinn í dag því lykkjan þín er á skrýtnum stað.“ Ég spurði hann undrandi hvort ég væri með lykkju,“ sagði Melinda.
Þegar Melinda hugsar til baka segist hún hafa fengið „einhverja verki hér og þar,“ en aldrei dottið í hug hvað væri raunverulega að.
„Þetta truflaði mig ekki. Ég fann sjaldan til,“ segir Melinda.
Melinda hefur nú látið fjarlægja lykkjuna.