Þegar þrjátíu og þriggja ára gamall karlmaður kom inn á spítala og kvartaði undan bakverkjum, áttu læknarnir ekki von á þeirri ótrúlegu aðferð sem maðurinn hafði stundað í þeirri von um að losna undan verkjunum.
Karlmaðurinn sem ekki hefur verið nafngreindur, gekk inn á spítala í Dublin vegna bakverkja þegar læknarnir tóku eftir því að hann var rauður og bólginn á öðrum handleggnum. Þegar læknarnir spurðu manninn nánar út í bólguna viðurkenndi hann að hafa notað óhefðbundna leið til þess að losna við verkina.
Maðurinn hafði safnað sér mánaðar „skammti“ af sínu eigin sæði og sprautað því inn í hendina á sér einu sinni í mánuði í eitt og hálft ár.
Sagðist hann hafa keypt sér sprautunál á netinu og byrjað að sprauta sæðinu í sig án þess að ráðfæra sig við heilbrigðisstarfsmenn. Bakverkir mannsins höfðu ekki batnað þrátt fyrir tilraunir hans en var hann þó kominn með netjubólgusýkingu.
Gekk maðurinn sjálfur út af spítalanum áður en læknarnir fengu tækifæri til þess að fjarlægja sæðið og samkvæmt Dr.Dunne er þetta fyrsta svona tilfellið. Metro greindi frá því að læknirinn hafi einnig tekið það fram að engar rannsóknir hafi verið gerðar til þess að kanna áhrifin sem það að sprauta sæði inn í æðar eða vöðva geti haft á fólk.