Hin hæfileikaríka móðir Alya Chaglar varð fræg á Instagram fyrir að endurgera útlit fræga fólksins fyrir dóttur sína Stefani sem er fimm ára gömul. Alya notar einungis hluti sem hún finnur á heimilinu til þess að búa fötin til og segir hún það taka hana um tíu til þrjátíu mínútur að endurgera hvert útlit.
„Dag einn sá ég mynd af Rihönnu í bláum Molly Goddard kjól og ákvað að endurgera útlitið fyrir dóttur mína úr mismunandi hlutum sem ég átti,“ segir Alya sem er frá Tyrklandi í samtali við Bored Panda. „Myndin varð virkilega vinsæl á samfélagsmiðlum svo ég ákvað að gera myndaseríu af henni í klæðnaði af fræga fólkinu undir myllumerkinu #ahStefani.“
Stefani sem er fimm ára gömul segist elska allt sem móðir hennar hefur búið til fyrir hana og að hún geti engan vegin valið sér uppáhald. Stefani, sem talar reiprennandi Rúsnessku, ensku og Tyrknesku segist vilja vera fatahönnuður þegar hún verður stór.
Hér fyrir neðan má sjá hluta af þeim útlitum sem mæðgurnar hafa endurskapað:
