Leikkonan Jameela Jamil segir að Khloe Kardashian hafi verið fitusmánuð „inn í fangelsi sjálfsgagnrýni“ í kjölfar þess að sú síðarnefnda sagði í færslu á Instagram að hana langaði að léttast.
Breska leikkonan Jamil, sem margir kannast líklega við úr þáttunum The Good Place, er mikill talsmaður líkamsvirðingar og vill meðal annars banna að átt sé við ljósmyndir af konum.
Í færslu á Instagram sagði Khloe: „Tveir hlutir sem konur vilja, númer eitt grennast, númer tvö borða.“
Jamil deildi skjáskotum af færslunni á Twitter og sagði „Þetta hryggir mig“. Hún hélt áfram: „Ég vona að dætur mínar vilji meira en þetta þegar þær eldast. Ég vil meira en þetta. Ég sendi ást mína til þessarar vesalings konu. Bransinn gerði henni þetta. Fjölmiðlar gerðu henni þetta. Þeir fitusmánuðu hana inn í fangelsi sjálfsgagnrýni. Elsku stelpur, sækist eftir meiri en þessu!“
Jamil hefur áður gagnrýnd Kardashian fjölskylduna fyrir að ljá megrunartólum og tækjum stuðnings sinn sem sendi konum skilaboð um að eitthvað sé að líkama þeirra. sem Jamil hefur sagt Kardashian fjölskylduna græða á: „Blóði og tárum ungra kvenna sem líta upp til þeirra.“.
Jamil er í herför sem ætlað er að bæta sjálfstraust kvenna. Á Golden Globe verðlaununum, fyrir skömmu, sagði Jamil að hún væri hvergi nærri hætt herförinni. Hún sagði í samtali við Press Association : „Þeir verða að drepa mig til að ég hætti að tala um réttindi kvenna og minnihluta. Þetta er mitt ástríðuefni.“
Jamil sagði að hún hefði talað um þessi mál í mörg ár en fólk tæki meira eftir því núna þar sem frægðarsól hennar væri farin að skína og Jamil reynir að vera meðvituð um forréttindi sín.
„Ég skil að sumir haldi að ég sé að tala um eitthvað sem mér kemur ekki við, fyrir hópa sem ég tilheyri ekki, eða tilheyri ekki lengur, en ég held að það þurfi einhver að tala um þetta og enginn hlustar á aðilana úr jaðarsettu hópunum svo þau okkar með forréttindi þurfa að axla ábyrgð og hafa hátt svo raddir þeirra verði heyrðar.“
This makes me sad. I hope my daughter grows up wanting more than this. I want more than this. Sending love to this poor woman. This industry did this to her. The media did it to her. They fat shamed her into a prison of self critique. Dear girls, WANT MORE THAN THIS. ❤️ pic.twitter.com/RFkb0GzxZY
— Jameela Jamil (@jameelajamil) January 10, 2019