Nýtt ár, nýir möguleikar og þú munt kynnast nýju fólki. Sá árangur sem þú nærð á næsta ári byggist að miklu á fólkinu í kringum þig eða fólkinu sem þú ákveður að hafa ekki í kringum þig.
Pressan og Bleikt hafa áður fjallað um hina eitruðu einstaklinga sem þú ættir ekki að umgangast á nýju ári og full ástæða til að endurtaka leikinn. Nú er líka tækifæri til að taka til og ef eitraðir einstaklingar eru í lífi þínu og algjörlega útilokað fyrir þig að koma fyrir því vitinu eða aðstoða það, þá ætti þú að skilja þá eftir, þeir verða hluti af árinu 2018 og fyrir vikið verður þú miklu frjálsari og færð þjófstart á nýja árið.
Stress er ekki endilega slæmt – í raun er það það sem þú lætur það vera. Ef þú telur að stress sé slæmt fyrir þig, þá verður það slæmt fyrir þig. Ef þú notar stress eins og þá hvatningu sem það er, til að hvetja þig, þá getur stress í raun verið frekar heilbrigt.
Hvað sem því líður, þá ættirðu að reyna að láta bara aðstæður stressa þig, ekki aðstæður. Ef það er fólk í lífi þínu sem tekst sí og æ að stressa þig, þá er hugur þinn að segja þér og reyna að hvetja þig til að hætta að umgangast það.
Lífið er stressandi eitt og sér. Þú þarft ekki einhvern til að gera það stressaðra.
Ef fyllstu sanngirni er gætt þá nota allir alla – og yfirleitt er það í lagi. Við eigum samskipti við annað fólk því við teljum að það geti gagnast okkur á einhvern hátt. Ef við teldum það ekki, þá myndum við ekki hafa nægar ástæður til að eiga samskipti við aðra.
Stundum er fólk í lífi okkar sem notar okkur á þann hátt að það særir okkur að lokum. Flestir munu nota okkur og með því annaðhvort viðhalda eða auka velferð okkar.
Síðan eru það þessir eitruðu einstaklingar sem nota þig og skilja þig eftir í verra standi, sjúga allt úr þér og nærast á þér eins og sníkjudýr.
Svona fólk á ekkert erindi í lífi þínu, ekki taka það með inn í árið 2019.
Allt kurteist fólk á skilið að því sé sýnd virðing á móti, þannig virkar virðing. Ef þér finnst einhver vera í lífi þínu sem á erfitt með að sýna þér þá virðingu sem þú sýnir þeim, skaltu segja þeim að hafa sig á brott.
Hafðu næga virðingu fyrir sjálfum þér til að leyfa aldrei neinum að sýna þér vanvirðingu og vera áfram hluti af lífi þínu.
Fólk getur stundum verið kjánalegt. Fólkið sem við höfum í lífi okkar er fólkið sem við unum – eða að minnsta kosti ætti það að vera þannig. Sumt af þessu fólki, því miður, endar með að særa okkur og valda okkur sársauka.
Vandinn er að þegar aðrir valda okkur sársauka, þá minnir það okkur á hversu mikils virði þetta fólk er okkur. Ef það gæti sært tilfinningar okkar, verðum við að hugsa vel um það og það sem þau hugsa um okkur – þannig leyfum við þeim að vera áfram hluti af lífi okkar.
Oft, leyfum við þessu fólki jafnvel að taka meira pláss. Fólk særir annað fólk – þannig er heimurinn bara. En ef það er einhver í lífi þínu sem getur ekki hætt að særa þig, gerðu sjálfum þér greiða og lokaðu á viðkomandi.
Sársauki er bara góður ef hann kennir þér lexíu. Í þessu tilviki er lexían að hætta að leyfa öðrum að nota þig sem boxpúða.
Allir ljúga. Staðreyndin er sú að á fyrstu mínútunum eftir að við hittum nýja manneskju, þá lýgur hún líklega nokkrum sinnum að þér. Flestar lygar eru skaðlausar en það breytist þegar fólkið sem lýgur að þér er fólkið sem þú treystir.
Fylltu líf þitt af fólki sem þú treystir og þér gengur miklu betur. Þú getur fundið lygar hér um bil alls staðar. Það er miklu erfiðara að finna sannleikann.
Þetta eru úrhrök úrhrakanna sem hafa ekki hugrekki til að segja sína skoðun. Þetta fólk nýtur þess að þykjast vera vinir þínir á meðan það segir restinni af heiminum að þú sért drullusokkur.
Þetta fólk mun eyðileggja orðspor þitt og eins og við vitum flest þá skiptir orðspor miklu í heiminum okkar. Það eru bara bjánar sem hefja nýtt ár með svona fólk í lífi sínu.
Við höfum öll umgengist fólk sem lætur eins og það sé vinir okkar en aðeins þegar það hentar þeim. Þessir eitruðu einstaklingar eru „falskir vinir“ – það er gaman að vera með þeim og þeir eru alltaf tilbúnir að þiggja aðstoð þína en þegar þú þarfnast hjálpar þá sjást þeir hvergi, eins og fyrir kraftaverk.
Þessir einstaklingar eru sérstaklega eitraðir því þeir veita þér þá tálsýn að þú hafi ákveðið öryggisnet. Þú heldur að þú getir leitað til þeirra eftir stuðningi en þegar þú teygir þig í átt til þeirra þá detturðu og lendir á jörðinni.
Lífið er bara spennandi og áhugavert ef það þróast í sífellu. Það er aðeins þegar við færumst fram á við, bætum okkur sjálf stöðugt og umhverfi okkar sem við getum fundið ánægju og hamingju.
Flestir ná alltaf að hafa fólk í lífi sínu sem heldur fast í lífið eins og það var eitt sinn. Þú hefur lagt hart að þér til að þróast og gera breytingar en þessir einstaklingar kjósa að lifa lífinu eins og það var og þeir gera sitt besta til að draga þig aftur inn í hellinn sem þú ert nýskriðinn út úr.
Varaðu þig á þessu fólki, það er oft erfitt að átta sig hverjir þetta eru og það getur alltaf snúið þeim árangri sem þú hefur náð við
Á undanförnum árum hef ég náð þeim þroska að geta sætt mig við að það er staðreynd, þó hún sé ekki sérstaklega skemmtileg, en samt sem áður er nauðsynlegt að sætta sig við þennan sannleika sem er að margir sem eru hluti af lífi þínu, fólk sem þú kallar vini, ætti ekki að vera hluti af lífi þínu.
Eftir því sem tíminn líður breytumst við sem einstaklingar. Vonir okkar og markmið breytast, sambönd okkar sem voru góð eitt sinn verða úrelt.
Margir þeirra sem eru hluti af lífi þínu hafa líklegast ekki áhuga á lífinu sem þú ert að skapa þér. Vegna þess að þeir eru sjálfselskir, þeir gera sitt besta til að búa til sína eigin útgáfu af draumalífi sínu og draga þig inn í það.
Oftast mistekst fólki að skapa sér það líf sem það dreymir um af því að það fyllir líf sitt af fólki sem stefnir í allt aðra átt.
Ef markmið ykkar eru ekki svipuð, þá eru líf ykkar það ekki heldur.
Allt í þessu lífi hefur sín takmörk. Auðlindir eru takmarkaðar. Tíminn er takmarkaður. Rými er takmarkað. Það sem þú getur afrekað í lífinu er takmarkað. Við getum ekki og munum aldrei geta gert allt.
Þess vegna verður þú að velja gaumgæfilega hvað þú vilt gera og einnig með hverjum þú vilt gera það.
Þú getur aðeins ráðið við nokkur sterk sambönd samtímis – þú hefur ekki tíma, orku eða andlega yfirsýn til að ráða við meira.
Ef þú ert að fylla líf þitt með óhæfu fólki, þá ertu á góðri leið með að skapa þér óhæft líf. Ef einhver er ekki að bæta einhverju við líf þitt, þá er hann að taka eitthvað úr því.
Skildu þá eftir í árinu 2018 og byggðu upp betri innsta hring vina og 2019 verður fyrir vikið miklu betra ár!
