Þriggja barna móðir sem kaupir fleiri hundruð gjafa fyrir börnin sín hver jól, hefur sætt mikilli gagnrýni undanfarið. Hefur hún fengið ljót skilaboð frá fólki sem segir að hún sé eigingjörn og ógeðsleg vegna þess hvað hún kaupir marga pakka fyrir börnin sín og að hún ætti frekar að gefa gjafirnar til þeirra sem ekkert fá.

Amanda Tapping er þrjátíu og átta ára gömul þriggja barna móðir sem býr á Isle of Man. Amanda hefur viðurkennt að hún eyði um þrjú hundruð þúsund krónum í um 350 jólagjafir handa börnunum sínum hver jól. Segist Amanda hafa mætt miklum fordómum fyrir gjafakaupin en hún hefur yfir 17 þúsund fylgjendur á Instagram. Margir hafa sagt Amöndu að hún skilji ekki tilgang jólanna og að börn hennar muni alast upp ofdekruð.

Amanda viðurkennir að um jólin ofdekri hún börnin sín en á öðrum dögum ársins geri hún það ekki. Samkvæmt Indy hafa margar fréttaveitur um allan heim fjallað um jólagjafainnkaup Amöndu.

https://www.instagram.com/p/BNUeweEj-b5/?utm_source=ig_embed

„Það sem ég elska við jólin eru töfrarnir, tíminn sem ég eyði með fjölskyldu minni og að sjá svipinn á börnunum mínum þegar þau opna gjafirnar. Ég fer klárlega yfir strikið á jólunum með fullt af gjöfum og mat en ég vil eiga góðan dag. Ef þú spyrð mig hvort ég ofdekri börnin mín þá myndi ég segja að ég geri það á jólunum já, en ekki á öðrum dögum ársins. Þrátt fyrir allt það slæma sem sagt hefur verið um mig undanfarið þá var það þess virði þegar börnin mín opnuðu gjafirnar. Að sjá litlu andlitin þeirra, allir voru hamingjusamir. Það var æðislegt.“ Segir Amanda.

Það voru þó ekki allir sem töluðu niður til hennar en hún fékk einnig skilaboð frá fylgjendum sínum sem sögðu henni að hlusta ekki á neikvæðnina, þetta væru hennar peningar sem hún ynni hörðum höndum fyrir og að hún réði nákvæmlega hvað hún gerði við þá.