Reynir Bergmann skaust hratt upp vinsældarlistann á Snapchat með ótrúlegum uppátækjum sínum, miskunarlausri hreinskilni og endalausri skemmtun. Reynir hefur í mörg ár barist við fíknisjúkdóm og hefur hann opnað sig um þá erfiðleika og hjálpað mikið af fólki að komast á beinu brautina. Reynir er mikið jólabarn og undanfarin jól hefur hann unnið að stórri jólasöfnun þar sem hann nýtir sér Snapchat til þess að hjálpa fjölskyldum í neyð fyrir jólin:

Borðar þú skötu á þorláksmessu?

Á þessum 38 árum ævinnar hef ég aldrei smakkað skötu vegna lyktar, en stefni á að prófa hana í ár vegna áskorunnar.

Hvað verður í matinn á aðfangadag?

Það er ALLTAF Hamborgarhryggur. Sú hefð má aldrei breytast.

Hvað finnst þér að megi alls ekki sleppa á jólunum?

Fyrir mér væru ekki jól án jólaskreytinga, en undanfarin ár fyndust mér varla koma jól ef ég myndi sleppa stóru jólasöfnuninni minni fyrir þá sem eru í neyð.

Hver er uppáhalds jólahefðin þín?

Ég ólst upp við að lesa alltaf jólakortin meðan mamma var að ganga frá eftir matinn, meðan maður beið eftir því að fá að opna pakkana.

Eftirminnilegustu jólin?

Eftirminnilegustu jól sem eg hef upplifað eru tvenn. Jólin árið 2014 lá systir mín á gjörgæslu að berjast fyrir lífi sínu frá 20. desember – 9. janúar eftir mjög alvalega heilablæðingu og voru við fjölskyldan öll saman þar yfir hátíðarnar. Við borðuðum miður góðan jólamat þessi jólin. Jólin 2017 tilkynntum við svo börnum okkar á aðfangadag með pakka að þau væru að fara að eignast litla systur, þau jól gleymast seint.

Hvað er uppáhalds jólalagið þitt?

Heims um ból, hjálpum þeim,snjókorn falla, ef ég nenni.

Hefur þú fengið kartöflu í skóinn?

Haha já það hef ég fengið en þá var ég mjög lítill og óþekkur.

Hvort finnst þér aðfangadagur eða gamlárskvöld skemmtilegri?

Aðfangadagur allan daginn

Ætlar þú að strengja áramótaheit?

Já, ég ætla að vera edrú árið 2019. Ég ætla að koma mér í form, ég ætla hætta að reykja og veipa. Ég get, ég ætla, ég skal.