Jólin eru yndislegur tími fyrir marga, en því miður ekki alla. Margar ástæður geta legið að baki því að folk njóti ekki jólanna. Sumir glíma við fjárhagsáhyggjur og geta ekki haldið jólin eins gleðileg og þau myndu vilja, og svo eru aðrir sem ekki hafa heilsuna.
Það er því miður þannig að börn geta verið alvarlega veik, það veik að þau geta verið dauðvona á unga aldri. Að ganga í gegnum svoleiðis erfiðleika er engum óskandi og líklega eitt af því erfiðasta sem nokkur manneskja gæti lent í.
The Heart Project eru samtök sem byrjuðu með verkefnið árið 2016 í Melbourne Ástralíu. Samtökin fara með ljósmyndara með öll sín verkfæri, ásamt jólasveini í fullum skrúða og heimsóttu börn sem lágu veik inni á jólunum. Börn sem jafnvel myndu ekki lifa önnur jól. Samkvæmt Bored Panda tók ljósmyndarinn myndir af börnunum með svokallaðan ,,green screen” bakgrunn sem gerði honum kleift að breyta bakgrunninum svo hann yrði ævintýralega jólalegur.
Síðan samtökin hófu starfsemi sína, hafa þau ferðast um Ástralíu, Nýja Sjáland, Kanada og Bretland. Virkilega fallegt verkefni og afraksturinn dásamlegur: