Þar sem við lifum á „Instagram-öld“ þá mætti halda að það að ná góðri mynd af allri fjölskyldunni fyrir jólakortið sé ekkert mál. En það er ekki raunin. Hinn fullkomni heimur á Instagram lýgur, ekki láta plata ykkur.
Á bak við hverja mynd eru líklega þúsund aðrar misheppnaðar ásamt því að nú er hægt að setja inn allskonar mismunandi „filtera“ og hvað eina til þess að láta myndirnar líta betur út. HuffPost birti á dögunum myndir sem þau fengu aðsendar frá fjölskyldum vísvegar um heiminn. Á þessu myndum má sjá raunveruleikann sem liggur að baki því að ná þessari einu góðu Instagram-mynd.