Þá er úti um sjóferð þá. Rapparinn Cardi B og eiginmaður hennar Offset ætla að skilja eftir eins árs hjónaband.
Cardi B setti inn myndband á Instagram síðu sína þar sem hún greindi frá sambandsslitunum. „Hlutirnir hafa ekki verið að ganga hjá okkur í langan tíma. Það er engum að kenna, við bara hættum að vera ástfangin.“ Cardi B og Offset eiga fimm mánaða dóttur saman og segir Cardi að hún muni alltaf bera ást til Offsets sem barnsföður. Offset staðfestir slitin með athugasemd á Instagramfærslunni hennar Cardi B þar sem hann segir „Þið öll unnuð“ .
Cardi B og Offset giftu sig leynilega í september 2017 og hafa á þessu ári þurft að takast á við orðróm um að Offset hafi haldið fram hjá henni, en það birtist myndband á netinu þar sem hann virðist vera í rúmi með annarri konu. Cardi B sagði í kjölfarið að hún vildi berjast fyrir sambandinu og hún þyrfti ekki að útskýra þá ákvörðun fyrir einum né neinum. „Ég er ekki eignin ykkar, þetta er mitt líf“
Sú barátta hefur þó tapast og segir Cardi í Instagramfærslunni að þau hafi verið að reyna að komast í gegnum erfiðan hjalla í sambandinu, en það hafi því miður ekki gengið.
https://www.instagram.com/p/Bq_pb64Fzl8/?utm_source=ig_embed