Á þessum mun á kynjunum er líffræðileg skýring að sögn Randi Eidsmo Reinertsen lífeðlisfræðings og prófessors. KK hefur eftir henni að konur verndi sig gegn hitatapi með því að draga æðarnar saman við mun hærri hita en karlar gera. Þetta þýðir að þegar karl og kona eru í sama hita er hiti húðar konunnar lægri en hjá karlinum og af þeim sökum er henni kaldara.
Þetta veldur því að það eru oftar konurnar sem ganga um og skrúfa frá ofnum. Ekki er vitað með vissu af hverju þessi munur er á líkamsstarfsemi kynjanna en hugsanleg skýring er að konulíkaminn er minni er karlmannslíkami. Konur eru því með stærra húðyfirborð miðað við massa en hitatapið er frá yfirborði húðarinnar og út í umhverfið.
