Það er ekkert leyndarmál að þegar þú eyðir miklum tíma á samfélagsmiðlum og færð endalausar upplýsingar um trúlofanir, frí, nýfædd börn og stöðuhækkanir í starfi þá getur þér farið að líða eins og þú sért ekki að áorka neinu merkilegu. Hins vegar getur það verið erfitt að loka á alla samfélagsmiðla og líta aldrei til baka.

Góðu fréttirnar eru þær, samkvæmt HuffPost, að nýlega gerði Háskólinn í Pennsylvaniu rannsókn á notkun samfélagsmiðla hjá ungmennum til þess að komast að því hve miklum tíma er í lagi að eyða við þessa iðju án þess að verða meint af.

Niðurstöðurnar voru þær að gott er að takmarka sig við þrjátíu mínútna notkun á dag en með því að gera það er fólk að minnka líkurnar á andlegri vanlíðan.

Það voru 143 ungmenni sem tóku þátt í rannsókninni sem skoðuðu notkun þeirra á Facebook, Instagram og Snapchat. Farið var yfir andlega heilsu þeirra með félagslegan stuðning, ótta við það að missa úr, einmanaleika, sjálfssamþykki, sjálfsvirði, kvíða og þunglyndi í viðmið. Ungmennunum var skipt niður í hópa, einn hópurinn notaði samfélagsmiðla eins og þau gerðu vanalega og hinn fékk aðeins að nota samfélagsmiðlana í tíu mínútur á dag. Rannsóknin stóð yfir í þrjár vikur og komist var að því að þeir sem notuðu samfélagsmiðla í mesta lagi í þrjátíu mínútur á dag upplifðu mikla breytingu til hins betra á andlegri heilsu sinni.

Rannsóknarteimið tók fram að ungmennin hafi einungis notað Iphone-a og aðeins hafi verið skoðuð notkun á þessum þremur miðlum. Segja þeir að ekki sé víst að hægt sé að yfirfæra niðurstöðurnar á hvaða aldurshóp sem er.

Sama hvað þá er eitt víst að allir hafa gott af því að minnka við sig notkun sína á samfélagsmiðlum, enda hafi fyrri rannsóknir sýnt fram á það að þeir sem eyði miklum tíma á Facebook séu líklegri til þess að upplifa þunglyndi og einmanaleika.

Stöðufærslur sambanda, myndir af mat og hundafilterinn verður enn til staðar þegar þú opnar Facebook-ið aftur.