Það vilja allir vera hamingjusamir og flestir eyða miklum, ef ekki öllum tíma sínum í því að leita að hamingjunni. Það mætti segja að ævistarf hverrar manneskju sé að komast að því hvað gerir okkur raunverulega hamingjusöm.
Steve Cuts sem hefur unnið til verðlauna fyrir teiknimyndir sínar hittir naglann á höfuðið í nýjustu mynd sinni um leit okkar að hamingjunni. Myndin heitir einfaldlega „Happiness“ og má þar sjá hvernig rotta leitar allra leiða til þess að verða hamingjusöm.
