Parið Kristbjörg Jónasdóttir einkaþjálfari og Aron Einar Gunnarsson landsliðsfyrirliði hafa nú tilkynnt nafn yngri sonarins sem kom í heiminn þann þriðja september síðastliðinn.
Ákváðu Kristbjörg og Aron að koma fólki sínu á óvart þegar þau greindu frá nafninu og greindi Vísir fyrst frá.
Sjálfsævisaga Arons, Aron – Sagan mín, kemur í verslanir í dag og í upphafi bókarinnar stendur: „Fyrir Óliver Breka og Tristan þór“ en Óliver Breki er eldri sonur þeirra hjóna.
Tristan Þór er enn óskírður en tilkynning þeirra hjóna á nafninu er bæði nokkuð óhefðbundin og skemmtileg. Óskum við þeim til hamingju með nafnið sem og útgáfu bókarinnar.