fbpx
Föstudagur 19.apríl 2019
Bleikt

Biður foreldra að bólusetja börnin sín: „Svona lítur átta mánaða gamalt barn með mislinga út“

Ritstjórn Bleikt
Þriðjudaginn 6. nóvember 2018 17:00

Ekki missa af Helstu tíðindum dagsins í pósthólfið þitt

Lesa nánar

„Til ykkar sem taka ákvörðun um að bólusetja ekki börnin ykkar. Svona lítur átta mánaða gamalt barn með mislinga út. Ég hef viljandi ekki sett þessa mynd á samfélagsmiðla þar til núna þar sem ég vildi ekki vera sökuð um hræðsluáróður.“

Þetta segir Kiora Pen, móðir hins átta mánaða gamla Marshall sem greindist í gær með mislinga.

„Allir sem þekkja eða hafa hitt Marshall vita að hann er svo hamingjusamt barn. Þar til fyrir nokkrum vikum síðan en þá fór honum að líða illa. Við höfum núna verið á spítala síðan 31 október þegar útbrot hans fóru að birtast, hann fór að neita mat og byrjaði að fá næringarskort.“

Mynd: Facebook/Kiora Pen

Kiora segir að síðan Marshall fékk mislinga hafi hann gengið í gegnum mikinn sársauka, misst mikla þyngd og grátið mjög mikið.

„Nú er ónæmiskerfi hans virkilega lélegt og okkur hefur verið ráðlagt að fara ekki með hann út úr húsi í að minnsta kosti tvær vikur. Vegna kuldans gæti það verið framlengt.“

Það sem Kiora segist mest reið yfir er það að auðveldlega hefði verið hægt að koma í veg fyrir þessi veikindi Marshalls.

„Marshall er of ungur til þess að fá MMR sprautuna en það er fullt af fullorðnu fólki sem velur það að bólusetja ekki börnin sín sem eru orðin nógu gömul. Börn eins og Marshall reiða sig á það að önnur börn séu búin að fá MMR sprautuna til þess að koma í veg fyrir að þetta komi fyrir.“

Segist Kiora ekki skilja af hverju fólk myndi velja það að barnið þeirra gangi í gegnum þetta í staðin fyrir að bólusetja.

„Þú hefur valdið til þess að stöðva það að önnur börn þjáist líka. Vinsamlegast bólusetjið börnin ykkar. Það hafa núna verið staðfest yfir 900 tilfelli af mislingum í Bretlandi árið 2018. Fjöldinn hefur nánast tvöfaldast síðan árið 2016.“

 

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Ekki missa af

Bleikt
Fyrir 4 dögum

Stjörnuspá vikunnar: Fiskurinn finnur draumamakann – Afbrýðisemi heltekur nautið

Stjörnuspá vikunnar: Fiskurinn finnur draumamakann – Afbrýðisemi heltekur nautið
Bleikt
Fyrir 4 dögum

Eina sem hún vildi voru augabrúnir – Nú situr hún eftir – Einhleyp og í sárum

Eina sem hún vildi voru augabrúnir – Nú situr hún eftir – Einhleyp og í sárum

Tarot Spil

Veldu þér spil og sjáðu spádóm þinn.