Húgó er þriggja mánaða gamall hvolpur af tegundinni Tibetan Spaniel. Á dögunum keyptu eigendur hans parið Sara Regal og Saga Líf á hann nýja peysu til þess að verja hann fyrir Íslenska vetrinum.
„Óskarinn fyrir leik ársins hlýtur herra Húgó dekurrass sem þolir ekki peysuna sem við keyptum til þess að verja hann fyrir Íslenska vetrinum. Hann þykist vera lamaður þegar við setjum hann í hana, þar til komið er út auðvitað þá hoppar hann og skoppar eins og kanína,“ segir Sara þegar hún birti meðfylgjandi myndband af Húgó á síðunni Hundasamfélagið á Facebook.
Þrátt fyrir ungan aldur Húgós má greinilega sjá að hann á glæstan leiklistarferil fram undan og gaf Sara Bleikt góðfúslegt leyfi til þess að deila þessu bráðfyndna myndbandi af stórleikaranum.
https://www.facebook.com/sarabjorkregal/videos/10155469105451895/