Þau eru misjöfn tískutrendin sem poppa upp reglulega og enginn virðist mega missa af. Sum þeirra slá í gegn en önnur deyja út nánast samdægurs.
Það á því eftir að koma í ljós hvað nýjasta trendið, regnbogatennur, mun halda lengi út. Fyrirtækið Chrom er nú byrjað að selja tannalakk sem svipar til naglalakks. Fólk getur nú litað tennur sínar í stíl við naglalakkið, fötin eða hárgreiðsluna. Liturinn helst á tönnunum í um 24 klukkustundir en kjósi fólk að skipta um lit þá er hægt að bursta litinn í burtu með venjulegu tannkremi.
https://www.instagram.com/p/BmjxlGGBb1_/?utm_source=ig_embed
Samkvæmt Metro lofar fyrirtækið einnig að liturinn klessist ekki þegar fólk borðar og er hann alveg bragðlaus.
„Við sjáum fyrir okkur að þetta verði algengt. Fólk noti þetta þegar það fer á klúbba og jafnvel þegar það er í vinnunni. Þú vilt kannski fara í vinnuna með eina tönn í stíl við naglalakkið þitt eða háralitinn,“ segir David Silverstein hönnuður tannalakksins, sem virðist ekki hafa miklar áhyggjur af því að þetta trend muni einungis stoppa stutt við í tískuheiminum.
https://www.instagram.com/p/Bl6FJSWB-9_/?utm_source=ig_embed