Ný glasafrjóvgunar aðgerð var framkvæmd á pari af sama kyni í fyrsta skiptið. Aðgerðin er sögð vera brautryðjandi fyrir konur sem eru par og vilja eiga barn saman en með henni geta báðar konurnar gengið með sama barnið.
Bliss Coulter og konan hennar Ashleigh voru þær fyrstu til þess að gangast undir aðgerðina en báðar þráðu þær að eignast barn saman. Báðum langaði þær til þess að geta gengið með barnið en Bliss vildi þó ekki ganga fulla meðgöngu. Frjósemislæknarnir Kathy Doody og eiginmaður hennar Kevin buðu parinu því að prófa nýja tækni sem myndi gefa Bliss tækifæri á því að vera tímabundinn „hitakassi“ fyrir fósturvísinn áður en að Ashleigh tæki svo við og myndi klára meðgönguna.
Frjósemislæknarnir byrjuðu á því að virkja eggjastokka Bliss og að taka egg frá henni, alveg eins og gert er í hefðbundinni frjósemisaðgerð. En í staðin fyrir að taka eggið og setja það saman með sæði í sérstökum hitakassa á rannsóknarstofu þá settu þau eggið ásamt sæðinu í sérstakt tæki sem þau kalla „INVOcell.“
Tækið var síðan sett inn í Bliss þar sem egginu var leyft að frjóvgast þar í fimm sólarhringa þar til það var orðið að fósturvísi.
Fósturvísar hafa hvorki lifur, nýru né lungu og eru hitakassarnir á rannsóknarstofu vanalega notaðir til þess að leyfa fósturvísunum að vaxa á eðlilegan hátt. Doodys hjónin reiknuðu með því að líkami konu gæti gert sama starf og hitakassarnir væri hann notaður sem tímabundinn „hitakassi“ og höfðu þau rétt fyrir sér.
„Bliss kom því fósturvísinum af stað,“ útskýrir Dr. Kathy í samtali við Metro.
Eggið ásamt sæðinu voru í „INVOcell“ kassanum inni í líkama Bliss í fimm daga áður en læknarnir tóku það aftur út og frystu fósturvísinn.
„Eggið frjóvgaðist í líkama hennar í fimm daga og svo tókum við tækið út og frystum fósturvísinn. Það kom í ljós að líkami konunnar er mjög góður „hitakassi“ og kom það okkur ekki á óvart. Við erum með lifur, nýru og lungu og getum því sinnt því starfi fyrir eggið sem hann þarf til þess að verða að fósturvísi.“
Læknarnir biðu svo eftir besta tímanum fyrir fósturvísinn til þess að setja hann í líkama Ashleigh.
Parið sem er frá Bedrford í Texas, varð ólétt eftir fyrstu tilraun og eignuðust þau son sinn fyrir fimm mánuðum síðan.
„Hún fékk að ganga með hann í fimm daga sem var stór hluti af frjóvgunarferlinu og svo gekk ég með hann í níu mánuði. Þetta var því mjög sérstakt fyrir okkur báðar. Við tókum báðar þatt,“ sagði Ashleigh.
Fjölskyldan nýtur lífsins saman í dag en þær Bliss og Ashleigh höfðu verið saman í sex ár áður en þær eignuðust son sinn.