Það er fátt jafn slakandi og gott eftir langan dag heldur en að kveikja á nokkrum kertum, leggjast ofan í heitt freyðibað og hlusta á rólega tónlist.
Ahhh, við erum strax farin að sjá þetta fyrir okkur..
En það sem er enn betra er það að nýleg rannsókn hefur sýnt fram á það að fara í bað getur hjálpað fólki sem glímir við þunglyndi. Að leggjast ofan í heitt og slakandi bað er jafnvel talið hafa betri áhrif heldur en að hreyfa sig. Rannsóknin sem var framkvæmd í Háskólanum í Freiburg, Þýskalandi og Metro greindi frá fékk 45 manns sem eru greind með þunglyndi til þess að fara í þrjátíu mínútna bað á hverjum degi í átta vikur. Eftir baðið áttu þau að slaka á í tuttugu mínútur, vafinn inn í teppi með hitapoka.
Hópurinn fékk blað til þess að merkja inn skapgerðarbreytingar sína og í lok þessara átta vikna kom í ljós að andleg vellíðan hópsins hafði að meðaltali farið upp um sex stig samkvæmt skalanum sem notaður var.
Oft hefur verið mælt með því að hreyfa sig til þess að bæta vellíðun hjá þeim sem eru þunglyndir en samkvæmt þessari rannsókn þá var vellíðan hópsins þremur stigum hærra eftir baðferðirnar.
Talið er að heita baðið hjálpi grunnhita líkamans að styrkjast og kemur réttu róli á líkamsklukkuna. En hjá fólki sem glímir við þunglyndi getur verið að líkamsklukkan sé ekki rétt.
Svo nú er bara um að gera að teygja sig í baðolíuna, freyðisápuna og leggjast í bað sem er á milli 40° og 45° og njóta.