Haustinu fylgja umgangspestir og nú þegar vinnufélagarnir og börnin eru farin að leggjast í rúmið, eitt af öðru, er gott að huga að því hvernig best er að verja sig gegn inflúensu og öðrum pestum.
Hér að neðan má finna nokkur góð ráð til að fyrirbyggja veikindi:
Forðastu sykur: Sykur veikir varnir ónæmiskerfisins og ruglar þarmaflóruna. Þannig að, ef margir orðnir slappir í kringum þig þá ættir þú að forðast hvítan sykur eins og heitan eldinn.
Hvítlaukur: Það að nota hvítlauk sem vopn gegn veikindum er aldagömul aðferð. Þú getur til ædmis keypt hann í bætiefnaformi eða gleypt eitt hvítlauksrif á dag, þegar fólkið í kringum þig byrjar að veikjast. Best er þó að nota hann samviskusamlega út í matinn.
C-vítamín: Er löngu þekkt fyrir eiginleika sína til að styrkja varnir ónæmiskerfisins. Margir auka skammt af C-vítamíni þegar það byrjar að hausta. Það er ekki hættulegt að taka of mikið af vítamíninu. Líkaminn skilar því sem hann nýtir ekki frá sér.
D-vítamín: Vítamínið er okkur lífsnauðsynlegt þar sem líkaminn getur ekki starfað eðlilega án þess. Því ættu allir, sérstaklega við á norðuhveli jarðar, að taka inn aukaskammt af D-vítamíni yfir vetrartímann.
Meltingargerlar: Meltingaflóran hefur mikil áhrif á ónæmiskerfið. Jafnframt er það vísindalega sannað að þeir sem eru með heilbrigða þarmaflóru verða síður veikir. Því er nauðsynlegt, sérstaklega yfir haust- og vetrarmánuðina, að styrkja þarmaflóruna með því að kaupa fæðubótarefni sem innihalda meltingargerla, borða trefjar, grænmeti og ávexti. Á sama tíma ættir þú að forðast sykur og annað ruslfæði.