Dominique og fjölskylda hennar tóku sig til og týndu upp rusl sem þau fundu á smá hluta af strönd sem þau voru á í Malasíu. Á þrjátíu mínútum hafði fjölskyldan, ásamt fleiri sjálfboðaliðum safnað því sem samsvaraði yfir tólf pokum af rusli.
Dominique blöskraði allt ruslið sem safnað var og ákvað að búa til Hawksbill skjaldböku úr einnota plasti. Hawksbill skjaldbökur eru í mikilli útrýmingarhættu og fannst henni tilvalið að sýna fólki hvað einnota plastnotkun er að gera jörðinni með því að búa til skjaldböku úr ruslinu.
„Alveg síðan ég deildi myndinni af skjaldbökunni sem ég bjó til úr rusli á Instagram síðu minni, þá vissi ég að ég þyrfti að gera þetta reglulega. Ég byrjaði að týna upp rusl í hver skipti sem ég fór út með hundinn eða með börnin í skólann, allt í mínu nánasta umhverfi. Fljótlega fæddist verkefnið #projectlittercritter og fullt af fólki út um allan heim hefur tekið þátt,“ segir Dominique á Bored Panda.
„Rusl er mikið vandamál í heiminum. Það er ekki aðeins vandamál vegna umhverfisins heldur kostar það okkur mannfólkið líka rosalega peninga. Ég held að sem samfélag, þá þurfum við að fara að minnka allt það umfram magn sem er framleitt. Við þurfum líka að passa að því sé fleygt á réttan hátt. Við sjáum öll rusl, alls staðar, svo af hverju tökum við það ekki bara upp. En málið er að við lítum oft á þetta sem vandamál annara en okkar eigið. Við hentum því ekki, svo við þurfum ekki að taka þetta upp. En um leið og það liggur á gólfinu, blæs um á götunum, inn í skóginum okkar, á ströndunum og ofan í sjónum, þá er þetta okkar vandamál. Þetta er okkar pláneta og við eigum öll að vera að vinna að því að taka ruslið upp.“